27,1 тыс подписчиков
✒️ На нашем сайте запущен специальный раздел для газеты «Лух Авт». В нем будут публиковаться новости на языке народов ханты.👇
Общественной дипломатия ашкуӆа верса
Таӆаң ӆапат Пулңават вошан хон мув шимӆаң мир ёх общественной дипломатия ашкуӆа манас. Хон мувев эӆты оӆаң этапан нох питам ёх катхосьяң регион эӆты ёхтыӆыйс. Кашң хатӆ утаӆтысайт па альсайт, хоты муң округеван шоши мир ёх ураңан социальной, экономической па культурной направленияйт хуват рупата манаӆ.
Мойң хоятат ураңан панельной дискуссияйт, тематической харат, ёнтапсайт, касапсайт, сютсяты тахайт ӆэсятман усат. Пулңават вошан шоши мир ёх пиӆан рупитты тахаятан потарсайт па альсайт, муй хорпи рупата сита верӆа.
Округ департамент образования па Ямальской многопрофильной колледжан этаӆтыса, муй рупата шоши мир ёх няврэмат ураңан манаӆ, муй нётапса шоши мир энамты ёх кеша округеван уӆ. Окружной департамент физической культура па северной многоборье касты ашкуӆайн альсайт, муй касапсаятан Овс мув няврэмӆув касты верытӆат.
Здравоохранение система, агропромышленной комплекс па ветеринария эӆты Законодательной Собрание АПК па КМНС комитетан потар тусат. «Ямал-потомкам!» Ассоциация рупата эӆты Охсар куртан потарса, шоши мир ёх уӆапса этаӆтыса. Си тумпийн, муй хорпи хуӆ округеван мосятӆа па хоты ӆэсятӆа, хуӆ ӆэсятты хотан альса. Хоӆна вуӆы хота па Обдорской острога тутӆысайт. Сита Пулңават вош па шоши мир ёх уӆапса эӆты потарсайт, вуӆы, хуӆ, вонсямот эӆты ӆэсятам ӆэтотан ӆапатсайт.
Хоты шоши мир хоятат уӆапсайӆ манаӆ, нёхты хор па газета рут ясаңан ӆэсятты хоятат пиӆан уйтантопса верса. Ханты па ур ясаңан ӆэсятты газетайңан эӆты ёхтам хоятат презентация вантсат па есяӆ инсясапсайт ӆэсятсат.
Симась ашкуӆа хон мувеван кимет пуш манаӆ. Си уйтантопса хон мув МГИМО МИД, Овс мув шимӆаң мир, Сибирь па Дальний Восток Ассоциация, Овс мув шоши мир Ассоциация па рут мир верат Федеральной агентствайн ӆэсятты нётса.
Альбина Тырлина ханшам потар
Хор: Альбина Тырлина
1 минута
4 июня 2023