4 подписчика
Yanada chanqoq boʻl
Reklamalar kompaniya mahsulotini sotish uchun chiqariladi!
Bu oʻtgan asrning marketing quroli boʻlsa, hozirgi kunda - har bir inson kuniga 300 dan oshiq reklamalar koʻradigan zamonda bu umuman boshqacha mohiyat kasb qilmoqda.
Bugun siz reklamalar orqali mahsulot sotolmaysiz, hozir bozorni egallashni niyat qilgan, koʻproq umr koʻrishni xohlaydigan bizneslar birinchi oʻrinda BRENDni sevdirishlari kerak.
Dunyo boʻyicha bu holat karantindan keyin avj olgan boʻlsa, bizga endi endi kirib kelmoqda.
Endi siz mahsulot sotish uchun reklama qilishingiz kerak emas. Mijozlarning mehrini -e’tiborini brendingizni “sevdirish”ga yoʻnaltirishingiz talab etiladi. Buning uchun kompaniya qadriyatlari, falsafasini koʻrsatib berishingiz, mijoz uchun siz kim ekanligingiz va ular uchun nimalar qilib bera olishingizni anglatishingiz kerak.
Pepsining “yanada chanqoq boʻl” reklamasi - pepsi koʻproq ich, doim chanqab yur degandek boʻlardi, agar u yerda MESSI qatnashmaganida. Birgina Messining rasmi reklama xabarini iste’molchi ongida umuman boshqacha boʻlishiga zamin yaratadi. Ayniqsa uzoq yillik mashaqqatli urinishlardan keyingi Jahon chempionligi, doimiy gʻalaba uchun kurashish, doim chanqoq boʻlishga, bu ishda esa bizga PEPSI asosiy yordamchi boʻlishini yetkazadi.
Yaqinda taqdim etilgan Oqtepa Lavashning kreativ reklama roligida ham xuddi oʻsha tendensiyani koʻrdim. Mijozga kompaniya qadriyatlari, falsafasini yetkazish uchun ajoyib, oʻzgacha yondoshilgan. Creativity va rolik dahshat chiqqan. Lekin mijozga yetkizilmoqchi boʻlgan xabar - yashirin messej biroz sust ishlangan. Lekin reklamani oʻziga mazza qildim, agar MA’NOni sal kuchaytirganlarida esda qolarli rolik boʻlishi aniq edi(ya’ni miyaga joylashadigan)
Hozirgi bizneslardan talab qilinadigani, mijozni oʻzlariga koʻproq va uzoqroq “sevdirish”.
Oqtepa Lavash reklamasi:
@Marcatolog - marketing va biznes uchun keraklisi
1 минута
2 июня 2023