12 подписчиков
⚡️"KITOBXON YOSHLAR-YANGI O‘ZBEKISTON KELAJAGI".
Toshkent shahar "BILIM" AKM, Yunusobod tuman AKM, Yunusobod tuman hokimiyati, O‘zbekiston Yozuvchilar uyushmasi va tumandagi 72,97, 265,271,274-sonli umumta'lim maktablari hamkorligida "Kitobsevar yoshlar-Yangi O‘zbekiston kelajagi" mavzusida ma'naviy-ma'rifiy tadbir o‘tkazildi. Tadbir davomida shoira Kavsar Turdiyeva bilan uchrashuv va "Dunyoni saqlar bolalar" kitobining taqdimoti bo‘lib o‘tdi. "Mening kutubxonam!", " Mening sevimli qahramonim!" tanlovining g‘olib o‘quvchilari maqtov yorliqlari bilan taqdirlandilar.
Eng ulug‘, eng azizlarim
Bosar yo‘lingizda izingiz bo‘lay,
Faxrlanib yashang yuzingiz bo‘lay.
Faollar zalida yangragan yuqoridagi misralar barchaning eʼtiborini tortdi va "Otam-davlatim, onam-jannatim" tadbiri boshlandi. 274-maktabning 2-“A” sinf o‘quvchilari ustozlari Iroda G‘ulomova boshchiligida ota-onalarni ulug‘lab mazmunli sheʼrlar aytib, qo‘shiqlar ijro etishdi. Ayniqsa, Robiya Mahmudova, Abubakir Habibullayev, Farangiz Mahamadjonova, Mohina Alimova, Eʼzoza Avazxonova faolligi, isteʼdodi bilan mehmonlarni mamnun etishdi. Tadbirda O‘zbekiston Yozuvchilar uyushmasi aʼzosi, dotsent, bolalar shoirasi Kavsar Turdiyeva ham ishtirok etib, quvnoq sheʼr va topishmoqlari bilan bolajonlarni quvontirdi. Shoiraning "Qush bo‘lib uchgan ona" asari asosida tayyorlangan sahna ko‘rinishi, sheʼrlari ham mahorat bilan o‘quvchilar tomonidan ijro etildi."Dunyoni saqlar bolalar", “Sumalak”," Beg‘ubor jilvalar" kitoblarining taqdimoti ham tadbirni yana-da boyitdi. Shoira maktab kutubxonasi va faol o‘quvchilarga kitoblaridan tuhfa etdi.
1 минута
18 апреля 2023