Найти в Дзене
96 подписчиков

ЎЗБЕКМАН.


Кимлигимни айтай сенга Русь.
Мен Москопни қурган Ўзбекман.
Олтойдан то Босфорга қадар.
Салтанатлар тузган Ўзбекман.

Атиллага эргашиб чунон.
Кавказларин этибон пайҳон.
Қўлда тутиб туғ ила қалқон.
Римга қадар борган Ўзбекман.

 Гоҳ Жайҳундай кўпириб тўлиб.
Гоҳи Қипчоқ, гоҳ Ўғиз бўлиб.
Ғазнавийлар аскари бўлиб.
Ҳиндистонни олган Ўзбекман.

Хоразмийнинг жадвали бўлиб.
Берунийнинг маьшали бўлиб.
Илму ирфон юртида туриб.
Сенга сабоқ берган Ўзбекман.

Тўхтамишнинг зарбидан чунон.
Бўлган эди юрак бағринг қон.
Эсингдами Темур Кўрагон?
Сени озод  қилган Ўзбекман.

Беш асрлар нарида туриб.
Юлдузларни кўз билан кўриб.
Улуғбекнинг жадвали бўлиб.
Юлдуз сирин очган Ўзбекман.

Афсус тарих билмайсан нодон.
Хамсаларим машҳури жаҳон.
Қушлар билан суйлашиб чунон.
Қушлар тилин билган Ўзбекман.

Кўзинг очиб Хинд томонга боқ.
Ҳиндда изим қолган ярқироқ.
Ҳинд элига туҳфа ўлароқ.
Тожмаҳални қурган Ўзбекман.

Уруш чоғи ўзим оч қолиб.
Минг болангни бағримга олиб.
Яхшиликни Худога солиб.
Боланга нон берган Ўзбекман.

Паст назарла қарама зинҳор.
Алломаю олимларим бор.
Шул сабабли кўксида виқор.
Кўкрагини керган Ўзбекман!

Попробуй уйти не подписавшись и не поставив лайк, за тобой придут узбеки...
Около минуты