4 подписчика
O’zbekistonda ishchi-xodimlar va rahbariyat munosabati doim muammoli bo’lib kelgan. Davlat ishxonalarida ham, xususiy sektorda ham.
Xodimlar fikri: “Kuni bilan o’lib ishlaymiz, hamma ishni buyuraverishadi, oylik kam”
Rahbarlar fikri: “Hech ish qilmagani uchun, shunchaki kelib-ketgani uchun pul to’layapman. Yoki eng yaxshi sharoit menda, lekin bular doim noliydi”
Ikkala tomon ham 100% haq!
Tahlil qilamiz, xodimlarning bunaqa fikrlari rahbariyatning vazifalarni to’g’ri qo’ymaganligi, mehnat shartnomasida ishga olinayotgan xodimning yuklamalarini to’g’ri qo’ymasligida. Zamonaviy dunyoda biznesga kerakli xodimlar ham yangichalashib bormoqda. Lekin bir joyda qotib qolgan rahbar esa o’zi tushunmagan soha vakili kelsa unga vazifalarni to’g’ri belgilab bera olmaydi. Xodimning nima ish qilishini tushunmaganligi, natijalarni so’rab olmasligi, KPI - yoki umuman vazifa xato qo’yganligi sabab unga qo’shimcha ishchalarni ham buyura boshlaydi. (kichik bizneslarda bir xodim - 4-5 ishni qilishi normal holat)
Natijada xodimda vigoraniya boshlanadi. Qo’shimcha vazifalarni qilish uchun, asosiy ishini ko’ngildagidek qila olmaydi. Rahbariyat yana norozi bo’ladi, xodim esa sirtdan rahbariyatga norozi kayfiyatda ishlab yuradi. Natija, yuzaki ishlash boshlanadi.
Rahbariyatning iddaolarida ham jon bor. Agar o’sha sohaga mutaxassis olib kelmagan bo’lsa. Ya’ni, arzonroq narxga, yoki amaliy ko’nikmasi bo’lmagan, sohani chuqur bilmagan xodim- biznesga foydadan ko’ra kattaroq zarar olib keladi. Chunki bizda - professionallik yoki kasbiy kompetensiya bo’lmasa ham kunini ko’rsa bo’ldi hisobiga ishlab yuradiganlar ham topiladi. Ular - o’zlariga baho bera olmaydigan, o’zining kompaniya uchun foyda keltirishi-yo yo’qligini tushunmaydigan odamlar bo’ladi.
O’zining kasbi, mutaxassisligi bo’yicha to’liq malakaga ega bo’lmagach yuklama ko’pligi, oylik kamligidan norozi bo’lib yuraveradi. O’zining kasbiy mahoratini oshirish, ishlash bilan birga doimiy tarzda kasbiy o’sib borish, professionallashib borish kerakligi haqida o’ylab ham ko’rmaydi.
Shuning uchun doimo -rahbariyat prioritetlarni to’g’ri qo’yishi, xodimlarni - qosh-ko’zi, chaqqonligiga emas- salohiyatiga qarab olishi. Xodimlar esa, qilayotgan vazifalari bo’yicha mahoratini to’g’ri baholashi, doimiy professionallikka intilishi kerak.
p.s. Umuman olganda, boshliq va ishchi muammosi dunyoga mashhur kompaniyalarda ham 100% ideal darajaga yetmagan😁
@Marcatolog - biznes va marketing uchun keraklisi!
2 минуты
14 марта 2023