4 подписчика
Pozitsiyalash
Tanishuv vaqtida siz o'zingizni qanday tanishtirasiz? Masalan: Dilnoza To'rayeva, marketolog. O'zingizni qanday inson deb bilasiz? M: quvnoq, ko'ngilchan, yaxshi odam. Boshqa odamlar siz haqingizda qanday fikrda? Menga ko'pincha beriladigan ta'rif: pozitivchik, hayotni sevadigan, gurman.
Odamlar bergan ta'rif bu men o'zimni qanday ko'rsatganim natijasi. Agar o'zimni tund kayfiyatda yuradigan qilib ko'rsatsam, odamlar men haqimda xuddi shunday fikrda qoladilar, meni eslaganda g'alati yoqimsizlik, yolg'izlik tuyushlari mumkin.
Brendlarda ham xuddi shunaqa vaziyat bo'ladi. Buni brendni pozitsiyalash deyiladi. Brend o'zini qanday namoyish qilsa, mijozlar uni xuddi shunday qabul qiladi.
Agar o'zingiz pozitsiya belgilash uchun strategiya asosida ish ko'rsangiz, vaqt o'tishi bilan iste'molchilar xuddi shunaqa qabul qiladi.
O'zingiz pozitsiya belgilamasangiz mijozlar o'zi pozitsiya belgilaydi. Masalan, kitobxonlar uchun Asaxiy books - eng so'nggi bestsellerlarni tarjimasi, Akademnashr - eng sifatli kitoblar, asosan ziyolilar tushunadigan asarlar chiqaradigan nashriyot.
Mijozlar belgilagan pozitsiyani yomon tomoni uni faqat brendni tanigan mijozlar bilishida.
Shuning uchun, brendlar har bir detalga qo'shish orqali o'z pozitsiyalarini belgilashni xohlaydi.
Korzinka - odatdagidan yaxshi (bozordan yaxshi)
Yoki Profi Education tarmog'ining - We teach better| Biz yaxshiroq o'qitamiz (bu yerda ikki xil tushunish mumkin biz davlat maktablaridan yaxshiroq o'qitamiz, yoki biz hamma xususiylardan ko'ra yaxshiroq o'qitamiz)
Pozitsiya bir kunda egallanmaydi. Uni mijozlar ongida qolishi uchun oylab, ba'zida yillar kerak bo'ladi. Muhimi shu pozitsiyani bo'lishi, oddiy biznes emas brend yaratmoqchi bo'lgan biznes uchun bu eng birinchi shartlardandir.
Pozitsiya belgilagan brend, shu pozitsiyani ushlashga harakat qilishi, unga mutanosib xizmat ko'rsatishi ham shart!
@Marcatolog — marketing va biznes uchun keraklisi
1 минута
3 марта 2023