12 подписчиков
TOSHPTIDA PIROGOV NOMIDAGI UNIVERSITETIGA QABUL QILINGAN O'ZBEKISTONLIK ORDINATORLARNI SAFARGA KUZATILDI
2022 yilning 26 sentabr kuni Toshkent pediatriya tibbiyot institutida N.I.Pirogov nomidagi Rossiya Milliy tadqiqot universitetining ordinaturasiga o'qishga qabul qilingan O'zbekistonliklarni safarga kuzatish marosimi bo‘lib o‘tdi.
Tadbir doirasida Toshkent pediatriya tibbiyot instituti rektori, professor Botir Daminov ushbu yoshlar bilan uchrashuv o‘tkazdi va unda bo'lajak yosh mutaxassislarga o'z ustida ishlashlari va faol o'qishlari haqida iliq fikrlar bildirildi.
“Sizlar mamlakatimiz vakili ekaningizni, barcha harakat va muvaffaqiyatlaringiz esa bizning qiyofamiz ekanini unutmasligingiz kerak, biz ishonamizki, siz O‘zbekistonda sog‘liqni saqlash rivojiga tayanch bo‘ladigan va katta, ulkan hissa qo‘shadigan yangi lokomotivga aylanasiz degan umiddamiz”, deyiladi murojaatida.
Shundan so‘ng barcha ordinatorlar markazlashtirilgan tarzda I.A.Karimov nomidagi Toshkent xalqaro aeroportiga yetkazilib, u yerdan Moskvaga uchib ketishdi.
Ma'lumot uchun: 2022-2023 o'quv yili uchun N.I.Pirogov nomidagi Rossiya milliy tadqiqot tibbiyot universitetiga ordinatorlarni o'qishga qabul qilish jarayoni universitetning veb-saytidagi shaxsiy kabinet orqali onlayn tarzda amalga oshirildi. So'ng 12-13 avgust kunlari Toshkent pediatriya tibbiyot institutida onlayn formatda kirish test sinovlari o‘tkazildi. Eslatib o'tamiz, ushbu tajriba ikkinchi marotaba muvaffaqiyatli amalga oshirilmoqda. 2022-2023 o‘quv yili uchun ordinatorlarning barcha harajatlari O‘zbekiston Respublikasi Sog‘liqni saqlash vazirligi mablag‘lari hisobidan to‘liq qoplanadi.
1 минута
29 сентября 2022