12 подписчиков
TOSHPTI YOSHLAR ITTIFOQINING "BOOK EXCHANGE" LOYIHASIDA FAOL ISHTIROK ETING
O'zbekiston yoshlar ittifoqining Toshkent pediatriya tibbiyot institutidagi boshlang'ich tashkiloti institut yoshlari uchun tashkillashtirilgan "Book exchange" (kitoblar almashinuvi) deb nomlangan loyihasiga start berilganligini to'g'risida e'lon qiladi.
Loyiha yoshlar o‘rtasida kitobxonlikni targ‘ib qilish, kitobga nisbatan mehrni uyg‘otish, kitobni mutolaa qilishga undash va talabalarning dunyoqarashini kengaytirishga qaratilgan.
“Book exchange” loyihasi doirasida institutda kitob almashinuvi uchun maxsus kitoblar javoni o‘rnatilib, talabalar kitobni olib o‘qishlari mumkin bo'ladi. Kitobni o'qib bo'lgach, talabalar uni kitob javoniga qaytarib qoldirishlari lozim bo'ladi, shunda har kim uni o'qish uchun olishi mumkin bo'ladi. Kitobni o'qish uchun olgan keyinga talaba ushbu jarayonni qayta boshlaydi.
Yoshlar masalalari va ma’naviy-ma’rifiy ishlar bo‘yicha birinchi prorektor Axmedova M.A. hamda rektorning yoshlar masalalari bo‘yicha maslahatchisi – O‘zbekiston yoshlar ittifoqining institutdagi boshlang‘ich tashkiloti yoshlari yetakchisi X.A.Abidov loyiha bilan tanishib, yoshlarning tashabbusini yuqori baholadilar hamda ushbu loyihani tashkil etgan faol yoshlarga minnatdorchilik bildirdilar.
Ma'lumot uchun: Bookcrossing - bu kitob sotib olishning ekologik toza alternativlaridan biri. Harakatning mohiyati oddiy – odam kitobni o‘qigandan so‘ng uni jamoat joyiga (kafe, kutubxona, metro bekati) qoldiradi, shunda har kim uni o'qish uchun olishi mumkin bo'ladi. Kitobni olgan odam keyinroq ushbu jarayonni qayta boshlaydi.
1 минута
17 сентября 2022