11 подписчиков
TOSHPTI REKTORI INSTITUT XALQARO FAKULTETINING SANKT-PETERBURGDAGI TALABALARI BILAN UCHRASHDI
2022 yil 8 sentabr kuni Toshkent pediatriya tibbiyot instituti rektori Botir Daminovning Sankt-Peterburg davlat pediatriya tibbiyot universitetiga rasmiy tashrifi bo‘lib o‘tdi.
Tashrif davomida institut rektori professor B.T. Daminov Sankt-Peterburg davlat pediatriya tibbiyot universiteti bilan birga qo'shma ta'lim dasturlari asosida tashkil etilgan Toshkent pediatriya tibbiyot institutining Xalqaro fakulteti talabalari va ordinatorlari bilan uchrashuv va ochiq muloqot o‘tkazdi, shuningdek, talabalarning o‘quv jarayoni va yashash sharoitlari bilan tanishdi.
Uchrashuv hamda ochiq muloqot davomida barcha talabalar Sankt-Peterburg pediatriya universitetida ta'lim sifatini yuqori baholadilar va universitetda shaxsni har tomonlama rivojlantirish uchun sharoitlar mavjudligini ta'kidladilar. Shuningdek, talaba-yoshlarni qiynayotgan masalalar tinglandi va ularga joyida yechim topildi.
Ma’lumot uchun: Xalqaro fakultetga birinchi qabul 2019-2020 o‘quv yilida "Pediatriya" va "Davolash ishi" ta'lim yo‘nalishlari bo‘yicha amalga oshirilgan. Bunda, qo‘shma ta’lim dasturlari asosida tashkil etilgan ta'lim jarayonida 3+3 formati ko‘zda tutilgan bo'lib, dastlabki 3 yil davomida talabalar Toshkent pediatriya tibbiyot institutida, keyingi 3 yil Sankt-Peterburg davlat pediatriya tibbiyot universitetida tahsil olishligi lozim bo'ladi. So'ng, talabalar ushbu ta'lim dasturlarini bitirgach ikkala universitetning diplomiga ega bo'lishadi.
1 минута
12 сентября 2022