6 подписчиков
Ману ту
Замоне мову ту ҳампарта будем,
Ба гулзори муҳаббат раста будем.
Гулистони муҳаббат - мактаби мо,
Ду гулғунча ба як гулдаста будем.
Ба ҳамдигар чунон дилбаста будем,
Зи олам гӯиё вораста будем.
Ту аз ман будиву ман аз ту, ай ёр,
Ба бегона дари дил баста будем.
Дили ту ошиқи субҳи сафо монд?
Шаби ман дар назар кони ҷафо монд...
Саҳаргоҳон куҷо бояд шитобам?
Гулистонам магар кони вафо монд?
Аё ҳамдарси ман, ҳоло куҷоӣ?
Ба хобам меҳмон ҳар шаб чароӣ?
Зи ман рафтӣ, ба сони одати бад
Зи мағзу қалбу ҷон кай мебароӣ?
Мариямбонуи Фарғонӣ. 2.01.2016
Около минуты
12 июня 2022