10 подписчиков
САЙЁР ҚАБУЛ: ФУҚАРОЛАРНИНГ МУРОЖААТЛАРИ ТИНГЛАНДИ
2022 йил 31 май куни Тошкент педиатрия тиббиёт институти ректори, Халқ депутатлари Тошкент шаҳар Кенгаши депутати Б.Т.Даминов томонидан Юнусобод туманида жойлашган маҳаллаларда сайёр қабул ўтказилди.
Сайёр қабулда Тошкент шаҳар Юнусобод туманида жойлашган “Бободеҳқон”, "Ўзбекистон мустақиллиги", "Аҳмад Дониш", "Мурувват" МФЙларида истиқомат қилаётган ногирон ва ижтимоий муҳофазага муҳтож фуқароларнинг мурожаатлари эшитилди.
Қабул давомида ҳудудда истиқомат қилувчи аҳолининг таҳсил олаётган фарзандининг тўлов-шартномасининг 50% тўлаб бериш, тил бўйича ўқув марказида ўқиш учун тўловни қоплаб бериш, дори-дармони учун унга бир марталик моддий ёрдам кўрсатиш, ногиронлик аравачаси олиб бериш, даволаниш учун даволаш профилактика муассасаларига ётқизиш каби муҳим тиббий-ижтимоий масалалар кўтарилди.
Мурожаатлар бўйича билдирилган муаммолар депутат Б.Даминов томонидан жойида ҳал этилди ва баъзи бир масалалар ҳал этилиши юзасидан тегишли органларга тақдим этилди, айрим мурожаатларга тушунтиришлар берилди ва депутат томонидан назоратга олинди.
Ўтказилган сайёр қабул ижтимоий ҳимояга муҳтож аҳоли вакилларини қийнаётган муаммоларини ҳал этиш, оғирини енгил қилиш, уларнинг ҳаётга, эртанги кунга бўлган ишончини янада мустаҳкамлашга хизмат қилади.
@daminovbotirturgunpulatovich
@tashpmi_press
1 минута
1 июня 2022