38 подписчиков
Агван Доржиевай уг залгаhан нэрэ солотон
😀Монголой түүхэ болон буддын шажан шэнжэлэгшэ солото эрдэмтэн, профессор, Монголой Эрдэмэй Академиин хүндэтэ доктор Санжи (Сандже) Дылыковэй түрэhөөр 110 жэлэй ой гүйсэнэ.
👍🏻Санжи Дылыковэй тоонто Загарай Хара-Шэбэр нютагта оршодог. Данцик Дылыков эсэгэнь цанид-хамба Агван Доржиевай түрэл байгаа. Үндэр түрэлтэ XIII Далай ламын багша, гүн ухаатан, түүхэдэ гүнзэгы мүр үлөөhэн ниитэ-политическэ ажал ябуулагша, бэлигтэй дипломат Агван Доржиевай нүлөөн доро Санжи хүбүүн 1929 ондо Алас Дурнын дээдэ hургуулиин Зүүн зүгэй факультедэй хитад таhагта hуража эхилнэ. Хурса ухаатай, хэлэнүүдые шудалха ехэ бэлигтэй хүбүүн 1932 ондо экстернээр шалгалтануудаа тушаагаад, «хитадай болон монголой түүхэ шэнжэлэгшэ» гэhэн мэргэжэлтэй болоhон юм.
#soyol
Около минуты
1 июня 2022