38 подписчиков
Һасаран Линховоиной эхин харгы
🗣Буряадай агууехэ бас хоолойтой оперно дуушан Лхасаран Лодонович Линховоин тухай мэдэхэгүй хүн Буряад орондо байхагүй. Буряадайнгаа оперо ба баледэй театрай тайзан дээрэ ямар партинуудые голлон дууладаг байгааб, хаагуур гастролёор ябааб, ямар нэрэ зэргэдэ хүртөөб гэхэ мэтэ асуудалнуудта харюусаха зон олдохол даа. Зүгөөр тэрэнэй бага балшар, эдир залуу наһан тухайнь дуулаадүй хүнүүд байжа болохо. Тиимэһээ элитэ ехэ дуушанайнгаа эхин харгы тухай нэгэ хэды мэдээлэл уншагшадай һонорто табия.
🎼Һасаран Линховоин уг изагуур һайтай хүн юм. Эсэгэнь — арадай багша, хизаар ороноо шэнжэлэгшэ Лодон Линховоин арад түмэндөө тон хүндэтэй. Үбгэн аба Ленхобонь задарюун томо бэетэй, өөдэргэ өөрсэ абаритай Агын талын шадалтай шанга ангуушан байһанаа, түбэд монгол хэлэ бэшэг шудалжа, будын шажан буряадтаа байгуулалсаа юм. Ленхобо үбгэнэй 62-той байхада, 1924 ондо хүбүүниинь наһа баража, бэринь Лодон хүбүүнэйнгээ 3 һаратай байхада, хадам абынгаа харууһан доро анхан орхёод ябаһан.
#soyol
Около минуты
26 мая 2022