38 подписчиков
Түрэл һайхан нютагтаа түбхинэжэ һууял даа...(бууса табиха газарай шэнжээ)
📌Талын малша, нүүдэлшэ арадуудай һуудал байдал алишье тээһээнь хаража үзэхэдэ һонирхолтой, гүн гүнзэгы удха шанартай байдаг. Манай угсаатан ямаршье асуудал хүнгэн һэбхеэр шиидхэдэггүй, нэгэ зүйлые арбан тээһэнь шэнжэлжэ, зуун найман удха оруулаагүйдөө һанаагаа амардаггүй сэсэшүүл юм.
🎶Жэлэй дүрбэн сагта ажалай ашаар амидарһан
Жэнхэни буряад арадай байра байдал шэрүүн.
Ууган сагаан удхыень удхалхынгаа урда тээ
Уудам талын заншалаар амаршалая түрүүн:
Мэндээ!
Дондог Улзытуев, «Ая ганга» шүлэг
📌Нэн түрүүн эшэгы гэрынь хаража үзэбэл, бэлэн гэхэдэ, орёо, ухаагынь оложо ядаагүй уран нарин дархатай, хэсэг бүринь таабаритай, зөөдэлдэ тон тааруу, абаха, табихань хүнгэн, шуурга һалхинай эльбээд гарамаар түхэреэн ханануудтай, одо мүшэд, һара нарантай сэхэ холбоотой, тооноороо ороһон наранай туяагаар тоолодог сагтай.
#soyol
Около минуты
9 мая 2022