37 подписчиков
Уласта эрдэмэй болон соёл гэгээрэлэй hуури табигша
📍Монголшо, түбэдшэ эрдэмтэн, уран зохёолшо, БМАССР-эй гэгээрэлэй түрүүшын нарком (сайд), Буряад Уласта академическэ эрдэмэй үндэhэ hуури табигша Базар Барадинай үүргэ сэгнэшэгүй ехэ юм.
📍Агын Могойтодо (Жэбхээhэндэ) 1878 оной июнь hарада Баради Хуяктуевай (Борончуев) дунда шадалтай, олон хүүгэдтэй айлайда тэрэ түрэhэн юм. Эсэгэнь яhала үзэг бэшэгтэй хүн байжа, хүбүүгээ багадань монгол хэлэндэ hургаа бэлэй. Агын приходской училищида 3 жэл, Шэтэ хотын hургуулида 3 жэл hураад байтарнь, суута эмшэн, олзын хэрэг эрхилэгшэ Петр Бадмаев Петербургда гимнази нээгээд, буряад хүбүүдые олоор абажа эхилээ hэн. Тиихэдэ 17-той Базар Барадин 14-тэй Цыбен Жамцаранотой хамта тэндэ ошожо, хоёр жэл hураба. Хэрээhэ зүүхэ тухай баадхахадань, hуралсалаа орхёод, Агадаа бусаа hэн.
📍1902 он болотор нютагтаа байха үедөө гурбан hарын туршада буряад хүпеэсэй оршуулагша ба зарасань боложо, хилын саагуур аяншалаа.
#soyol
Около минуты
25 апреля 2022