24 подписчика
Татарстан Республикасы Балтач районы Смәел авылы районның төньяк – көнчыгышына урнашкан. Олы иптәшләрнең сөйләүләренә караганда безнең авыл утырган урын элек кара урманнар белән капланган булган.
Ул агачларны чистартып, әкренләп кешеләр килеп урнаша башлаганнар. Моннан 600 еллар элек, 1360 нчы елларга кадәр монда марилар яшәгәннәр. Шул елларда бу урыннарга бер төркем татарлар килеп чыкканнар, аларның җитәкчесе Исмәгыйль атлы кеше булган. Бу авылны Исмәгыйль исеме белән атаганнар. Баштарак, Исмәил дип, вакытлар узу белән Смәел дип атау сөйләм теленә кереп киткән. Аны авыл халкы изге кеше дип атаган, кабере әле дә саклана.
Около минуты
16 апреля 2022