9 подписчиков
Нѣкторы птицы измамут предаторов (мѧсожравцев), притворѧчи же имут сломено крыдло, и уводут их далѣі од грѣзда. Германски и американски орнитологы выіавиху, же ово поступаніе іе характерным дліа вѧче 300 видов птиц. Сѧ каже, че ова адаптаціа поіавѣше самостоіно в различных скупинах. Резултаты су опубликоваными в часопису Proceedings of the Royal Society B.
Чѧсто дліа продълженіа рода звери и птицы употрѣбут обман, наприклад, притворут сѧ ранеными, уводут од гнѣзда, а послѣ спокоіно улетут, оставѧчи предатора без обѣда. Особливо ефективным то іе против наземных денных предаторов, кторы сѧ опирут на зреніе.
Наі-чѧсто овы обман употрѣбут сѣвкы (куликы, зуікы - Charadriinae), іеднак тако поступут и ини виды.
Ауторы чланка выіавиху 52 сѣмеіства, в кторых іествуіет тако поступаніе. Из 16 заложеных факторов, 8 оказаху влив на вѣроіѧтності же вид бѫде корыстати обман сломанаго пѣра.
Птицы из видов, в кторых кладку насиди само іеден од родителеі, по-чѧсто корыстут овы обман. Ауторы приидоху до мнѣніа, че овы феномен сѧ. поіавише независно по различным поводам у различных видов.
Такодже орнитологы изіавиху феномен обмана у гнѣздѧчих в дуплах птиц. Тѣ кладут свѣтли пѣріа на поверхности гнѣзда, напамѧтаіучи останкы іѣдла предаторов, что одводи новых предаторов од жели поглѧдити вѫтрі дупла.
1 минута
9 апреля 2022