1 подписчик
Хайалаах Алтаай сириттэн, Кош-Агач оройуонуттан фольклорист Яданова Кузелеш Владимировнаттан Эре-Чуй түөлбэтин үһүйээннэрин, номохторун туһунан кинигэни бэлэх тутан үөрдүм.
Сүрдээх дьоһуннаах үлэ эбит. Кузелеш Яданова теленгиттэр диэн алтаай омук биир этническэй бөлөҕүн фольклорун чинчийэр.
Кош-Агачка ытыктыыр учууталбыт Юрий Иванович Васильев-Дьаргыстай эдэр сылдьан олорбут, үлэлээбит сирэ буолар. Монголияны, Кытайы, Казахстаны кытта кыраныыссалаһа сытар.
Дьаргыстай университекка үөрэнэ сырыттахпына, алтаай тылын үөрэппитэ. Бронтой Бедюров хоһоонун нойосуустаан эрэрбит бу баар курдук.
Биирдэ Алтаайтан конференцияҕа кэлбит улахан хотуну арыаллыы сырыттым. Алтаайдыы билэр тылларбын эттим, мурун диэн тумчук диэн дии-дии. Арай куһаҕан баҕайытык көрөн кэбистэ. Ону туох буоллаҕай диэн өйдөөбөтүм. Кэлин билбитим: киһим төрөөбүт тылын билбэт эбит. Саха сиригэр кэлбитигэр ханнык эрэ саха муннуга анньа сылдьар эбит. Туһугар кыһалҕа буоллаҕа.
Около минуты
11 марта 2022