10 подписчиков
OLIY TA’LIM MUASSASASI VA MAHALLA YOSHLARINING O‘ZARO HAMKORLIGI NATIJASI
O‘zbekiston Respublikasi Prezidentining 2022-yil 19-yanvardagi “Mahallalarda yoshlar bilan ishlash tizimini tubdan takomillashtirish chora-tadbirlari to‘g‘risida”gi PQ-92-son qarorida yoshlar bilan ishlashning yangicha boshqaruv mexanizmlarini joriy etish, ular bilan ishlashning vertikal tizimini yaratish, yoshlar muammolarini bevosita mahallalarda hal etish, ta’lim muassasalarida ma’naviy-ma’rifiy va tarbiyaviy ishlarning samaradorligini yanada oshirish maqsadida qator vazifalari belgilangan.
Shu munosabat bilan, yuqoridagi qarorda belgilangan vazifalar ijrosini ta'minlash maqsadida 2022 yil 4 mart kuni Yunusobod tumani 288-son o‘rta umum-ta’lim maktabida Yoshlar ishlari agentligi Yunusobod tumani bo‘limi, «Beg‘ubor», «Mehnatobod», «Axmad Donish» mahallasi yoshlar yetakchilari Toshkent pediatriya tibbiyot instituti va Toshkent axborot-texnologiyalari universiteti yoshlarni bo‘sh vaqtlarini mazmunli tashkil etish maqsadida ma’naviyat kunida "Quvnoqlar va zukkolar" musobaqasini tashkil etdilar.
Tadbirda "Aristokratlar" jamoasi vakillari mehmon bo‘ldilar. Turli qiziqarli shartlar asosida va ko‘tarinki ruhda kechgan musobaqa yakunida ishtirok etgan jamoalar va faol o‘quvchilarga diplomlar topshirildi.
@daminovbotirturgunpulatovich
@tashpmi_press
1 минута
5 марта 2022