Найти тему
1 подписчик

Виридаз хийирар 🥰


Заз аламатди вуч кар ят1а чидан, диде-бубади чпин веледриз хайи ч1ал чир тавурла.

Эгер абур хуьре яшамиш жез хьайит1а, са гафни авач, аялдиз мукьва-кьилийрива, маса аялривай, муаллимривай, къуншийривай чир жеда. Амма абур шегьерда ацукьна чир тавурла, им зи кьили къачун тийидай кар я.

Вучиз абуру чир ийизвач лезги ч1ал аялриз?

1. Кагьул я.

Аялдиз чир авуна к1анда жуван ч1ал, амма вахтни гьашкъи амукьзамач ч1ехибуруз, чеб чпин крарикай галатнавайбур, галатна, к1валахрилай хтанвайбур, аялдиз ч1ал чир ийиз ацукьдан? Ваъ. Мадни чир ийиз к1ан хьайит1ани, ахпа, ахпа лугьуз, яргъал вегьида. Ахпа лагьай карни гьак1а амукьда.

2. Шегьерда яшамиш жезва.

Исятда алай вахтунда гзафбур хуьре чпин аялрихъ галаз урус ч1алал рахада, вучиз лагьайт1а аял пака тарсуниз фейила, адаз регьят чир хьун паталди. Ина пис кар авач, вучиз лагьайт1а хуьре лезгийрин юкьва авай аялдиз гьик1 хьайит1ани лезги ч1ални чир жеда, мад тарсарни ава лезгидал, адан кьили вири къачуда. Хуьр хайи ч1алан муг я.

Амма шегьерда авайбур к1вале хьайит1ани лезги ч1алал рахана к1анда. Аялдиз к1вале чирна к1анда кхьинарни, диде бубани чпин арада лезгидал рахун герек я, аялдин кьили фад ч1ал къачун патал.

3. Ч1ал герек туширбур

Чпиз чиз хьайит1ани лезги ч1ал, абуру аялриз чир ийидач ам. "Гьа вучда аялди гьадакай, ам гьина герек къведа, вичиз к1ан хьайит1а, ахпа чир авурай ва маса гафар лугьуз, аял вичин макандикай хкудзава ихьтин диде-бубайри. Аялриз им куьне ийизвай писвал я. Аялдивай пака сада хабар
1 минута