4 подписчика
Facebook tadqiqodlariga ko'ra 83% insonlar yangi xizmat yoki tovar haqida aynan Instagram orqali xabar topishar ekan.
81% foydalanuvchilar esa xarid qilmoqchi bo'lgan mahsulotlari haqida ma'lumot olishar ekan, 80% esa instagram ma'lumotlari asosida narsa xarid qilar ekan.
Albatta, bu butun dunyo statistikasi, lekin O'zbekistonda ham bu tarmoq juda mashhur, ayniqsa 16-35 yoshgacha bo'lgan aholining 70% ushbu tarmoqdan foydalanishi ma’lum qilingan. Demak tadbirkorlar uchun internet savdo, ayniqsa instagram juda ham muhim.
Xo’sh, Instagramda savdoni nimadan boshlash kerak?
▫️Maqsadli auditoriyaga yaqin bo'lish
Instagram orqali mahsulot sotishdan tashqari, o'z brendingiz pozitsiyasi, PR va shaxsiy brendingizni yaratish orqali ham qo'shimcha sotuvga erishingiz mumkin.
Instagramda foydalanish va muloqot qilish qulayligi, ya'ni mijoz tovar narxini so'raydi, ma'qul kelsa xarid uchun harakatni amalga oshiradi. Mijozni - uning qiziqishlari "olov" bo'lib turganda ushlab olishingiz juda oson.
▫️ Samarali reklama
Instagram orqali reklama qilish usullari bir nechta: target reklama (to'g'ridan to'g'ri instagramga reklama uchun to'lanadi), blogerda reklama berish (pul yoki mahsulotni almashish , reklama almashish asosida bo'lishi mumkin), inflyuenserlar, xeshteg, konkurslar va boshqa. Sifatli kontent ham hech qanday pul sarflamasdan reklama qilish imkoniyatini beradi.
▫️ "Nisha" tanlash
Agar siz hali instagram orqali sotuvni amalga oshirmagan bo'lsangiz, bu bo'lim siz uchun juda ham foydali bo'ladi.
Sotuvni yo'lga qo'yishdan oldin o'ylab ko'ring qaysi "nisha" siz uchun mos keladi. Qaysi ishni qilishni juda ham yaxshi ko'rasiz? Aynan o'sha mashg'ulot ham sizga tadbirkorlikka yo'l ochishi mumkin.
Qo'shimcha tarzda, oldin ishlagan sohalaringiz bo'yicha ham biznes qilishingiz mumkin(ko'p bizneslar shu asosda dunyoga keladi). Ishlagan sohangizni yaxshi o'rgangan bo'lsangiz, uning past-balandini ko'rgan, mijozlar oqimi va mahsulot olish usullarini o'rgangan bo'lsangiz bularni o'z ishingizda qo'llab yaxshigina daromad qilishingiz mumkin
▫️ Raqobatchilarni tahlil qilish
Onlayn sotuv qilishdan oldin maqsadli auditoriyangizni o'rganish uchun ham, tovaringiz yoki xizmatingizni qanday sotish/sotmaslik haqida ham aniq tasavvurga ega bo'lishingiz uchun zaruriy etaplardan biri.
Agar sizga tanish soha bo'lsa, undagi sizga raqobatchi bo'lishi mumkin bo'lgan biznes sahifalarni kuzating (katta auditoriyali, tarmoq "akula"lariga qarash tavsiya etilmaydi), ularning mijozlari bilan munosabati, mahsulotlarni qanday reklama qilishmoqda, qanday kamchiliklarni sezdingiz, qaysi "fishka"lari juda qo'l kelmoqda. Hammasini o'zingiz uchun konspekt qilgan holda 3-4 ta shunday raqobatchilarni ko'rib chiqing. Ularni bir joyga to'plagan holda analiz qiling, qaysi raqobatchingizdan nimani o'rganishingiz mumkin. KO'CHIRMANG! Ko'chirmakashlik mijozlar uchun yaqqol ko'rinadi, biznesingizga nisbatan ishonchsizlikni oshirish bilan birga qiziqishini ham so'ndirib qo'yishi mumkin.
Marketing bilimlaringizni oshirish uchun esa bizni kuzatishda davom eting!😊🫰
2 минуты
14 декабря 2022