46 подписчиков
Улахан Ааҥҥа - "Өбүгэ оонньуулара" спорт бэстибээлэ
Хаҥалас улууһун М.Е. Васильева аатынан 2-с Малдьаҕар орто оскуолатыгар республикатааҕы XIII-с “Өбүгэ оонньуулара” спорт бэстибээлэ ыытылынна. Бу күрэххэ 6 улуустан уонна Дьокуускай куорат уокуругуттан 9 хамаанда күөн көрүстэ. Кыттааччылар 10 көрүҥҥэ күүстээҕи быһаардылар.
Күрэхтэһии түмүгэр муҥутуур кыайыылааҕынан М.Е. Васильева аатынан 2-с Малдьаҕар орто оскуолата буолла, иккис Л.Н.Харитонов аатынан Маҕарас орто оскуолата, Сунтаар улууһуттан Бордоҥ орто оскуолата үһүс миэстэни ылла.
Бары көрүҥнэр түмүктэринэн кыргыттарга чемпион үрдүк аатын Осипова Елизавета (Улахан Аан), уолаттарга Иванов Вася (Маҕарас) ыллылар: https://ханаласгазета.рф/article/82398
Аман ЕРЕМЕЕВ, М.Е. Васильева аатынан 2-с Малдьаҕар орто оскуолата
Около минуты
11 декабря 2022