11 подписчиков
XORIJIY TILLARNI MUKAMMAL O‘ZLASHTIRISH – TA’LIM SIFATINING MUHIM JIHATI
2022 yil 6-7 dekabr kunlari Toshkent pediatriya tibbiyot institutida Xorijiy tillar kafedrasi tomonidan “Effective ways of language learning for medical specialists in the english speaking environment”(“Tibbiyot mutaxassislari uchun kommunikativ muhitda ingliz tilini o‘rganishning samarali usullari”) mavzusidagi xalqaro ilmiy-amaliy davra suhbati va master-klass tadbirlari tashkil etildi.
Mazkur tadbirlarda Turkiya Respublikasi Milliy ta’lim vazirligi tasarrufidagi “Asiya Delim” markazi bilan hamkorlikda amalga oshirilib, tibbiyot talabalarining ingliz tilini o‘rganish masalasini ta’lim siyosatining ustuvor yo‘nalishlarida biri sifatida yanada takomillashtirish, bunda samarali o‘qitish mexanizmlarini joriy etish, talabalarning ingliz tilini o‘zlashtirishda kommunikativ muhitni rivojlantirish kabi masalalar o‘z ifodasini topdi.
Turkiya Respublikasi Milliy ta’lim vazirligining rasmiy vakillari, “Asiya Delim” markazi Global hamkorlikni muvofiqlashtirish departamenti raisi Bayram Bozkurt va xalqaro aloqalar bo‘yicha koordinator Yavuz Akin tomonidan Turkiya oliy ta’lim tizimi, ingliz, turk va boshqa xorijiy tillarni o‘qitish faoliyati haqida atroflicha ma’lumot berildi. Ekspertlar tomonidan “Turkish Republic Ministry of Education Language School” (“Turkiya Respublikasi ta’lim vazirligi til maktabi”) loyihalari majmui Turkiyada faoliyat yurituvchi universitetlar va markazlar faoliyati to‘g‘risida yoritildi.
Shuningdek, tadbir doirasida Toshkent pediatriya tibbiyot institutining Iqtidorli talabalar bilan ishlash bo‘limi tomonidan tavsiya etilgan ingliz tilidan yuqori ko‘rsatkichli bilimlarga ega bo‘lgan talabalar bahs-munozaralarda faol ishtirok etdilar.
Xalqaro anjuman talabalarga ingliz tilini o‘rganishda muhim motivatsion muhit yaratib, ularning kelgusi kasbiy faoliyatida xorijiy tillarni mukammal egallashning ahamiyatini anglashda muhim qadam bo‘ldi.
Shuningdek, kafedra pedagog-xodimlarining ingliz tilini o‘qitishdagi faoliyatida jahon andozalariga asoslangan ilg‘or uslublardan unumli foydalanishida yana bir muhim qadam bo‘ldi.
1 минута
9 декабря 2022