46 подписчиков
"Сардаҥа" дьоҥҥо-сэргэҕэ көмөлөһөр
Волонтердар күннэрин чэрчитинэн "Үрүҥ көмүс волонтердар" Дьокуускай куоракка Гагарин аатынан Култуура киинигэр араас улуустан мустаннар улахан тэрээһин ыттылар.
Манна Өктөм нэһилиэгиттэн "Сардаҥа" түмсүү кыттан маастар-кылаастары ыыттылар, үлэлэрин, былааннарын дьоҥҥо-сэргэҕэ кэпсээн үллэһиннилэр. Түмүккэ бары кыттыылаахтар "Ийэ сир алгыһа" диэн кэнсиэр тэрийэн көрдөрдүлэр.
Билиҥҥи кэмҥэ ыарахаттарга түбэспит дьоҥҥо, кырдьаҕастарга "Сардаҥа" түмсүү волонтердара Өктөм эрэ нэһилиэгин иһигэр буолбакка, барыларыгар көмө, аһымал аахсыйа тэрээһиннэринэн дьарыктаналлар. Онон бары даҕаны бу дьонтон туора турбакка, "Сардаҥа" түмсүү инники тэрээһиннэригэр, үлэлэригэр көхтөөхтүк кыттан иһиэххэ!
Татьяна Владимирова
Около минуты
9 декабря 2022