11 подписчиков
TOSHPTIDA KONSTITUTSIYANING 30 YILLIGIGA BAG’ISHLANGAN BAYRAM TADBIRI TASHKIL ETILDI
2022 yil 7 dekabr kuni Toshkent pediatriya tibbiyot institutida 8 dekabr - O'zbekiston Respublikasi Konstitutsiyasi kuni munosabati bilan O‘zbekiston yoshlar ittifoqining institutdagi boshlang‘ich tashkiloti tomonidan Oʻzbekiston Respublikasi Konstitutsiyasi qabul qilinganining 30 yilligini keng nishonlash maqsadida “Konstitutsiyamiz - baxtimiz qomusi” mavzusida ma‘naviy-ma‘rifiy tadbiri tashkil etildi.
Tadbirda 200 ga yaqin institut rahbariyati, professor-o’qituvchilari va talaba-yoshlari ishtirok etdilar.
Tadbirda so'zga chiqqan O‘zbekiston yoshlar ittifoqining institutdagi boshlang‘ich tashkilotining faol yoshlari Muhtaram Prezidentimiz Shavkat Mirziyoev rahnamoligida olib borilayotgan islohotlarning mazmun-mohiyatiga alohida to'htalib, mamlakatimizda yoshlar uchun yaratilayotgan imkoniyatlar to'g'risida ma'lumot berdilar.
Tadbirda ilm-fam sohasida yuqori natijalarga erishib "Zulfiya" nomidagi ko'rik-tanlovlari, turli xalqaro va respublika ko'rik-tanlovlarda g'oliblikni qo'lga kiritgan institutning iqtidorli talabalari o'z tengdoshlari bilan muvaffaqiyat sirlari, o'z tajriba va maslahatlari bilan o'rtoqlashdilar.
Taqdimotlar bilan so'zga chiqqan iqtidorli talabalar o'zlarining qo'lga kiritgan yutuqlari bilan bog'liq bo'lgan jarayonlar, ularning ba'zi jihatlariga alohida e'tibor qaratilishi va muvaffaqiyatga erishish uchun o'z ustida doimiy ishlash hamda institutimizda yoshlar uchun yaratilgan barcha sharoitlardan oqilona foydalanish lozimligi haqida ma'lumot berib o'tdilar va tengdoshlarni bayram bilan tabrikladilar.
Shuningdek, talaba-yoshlar ijrosidagi kuy-qo'shiqlar, she’rlar va sahna-ko’rinishlari tadbirga alohida ko’rk berdi.
Tadbir yakunida bunday uchrashuvlarni muntazam o'tkazishga kelishib olindi hamda bunday tadbirlar institut talabalari orasidagi iqtidorli yoshlarni ortishiga xizmat qilishi ta'kidlandi.
1 минута
8 декабря 2022