12 подписчиков
TOSHPTIDA XALQARO OITSGA QARSHI KURASHISH KUNIGA BAG'ISHLANGAN TADBIR O'TKAZILDI
2022 yil 1 dekabr kuni Toshkent pediatriya tibbiyot institutining 1-son Talabalar turar joyida 5 muhim tashabbus doirasida hamda 1-dekabr "Xalqaro OITSga qarshi kurashish kuni" munosabati bilan "OITSga qarshi birgalikda kurashamiz!" deb nomlangan tadbir bo'lib o'tdi.
Tadbirda Umumiy xirurgiya, operativ xirurgiya va topografik anatomiya kafedrasi dotsenti A.Sh.Abdumadjidov, institut Murabbiylar Kengashi raisi S.A.Begmanov, O'zbekiston yoshlar ittifoqining institutdagi boshlang’ich tashkiloti yoshlari yetakchisi X.A.Abidov, Yunusobod tumani hikomining xotin-qizlar masalalari bo’yicha o’rinbosari M.D.Muxsimova, "Posira" MFY faollari, TTJ faollari va talaba-yoshlari ishtirok etdilar.
Tabdirda OITS etiologiyasi, klinik belgilari, diagnostikasi, davo choralari va profilaktik chora-tadbirlari to’g’risida ma’lumotlar berildi. Talabalar tomonidan tayyorlangan sog’lom turmush tarzi haqida taqdimotlar va talabalar turar joyi teatr studiyasining "Pediatr" teatr jamoasi tomonidan tayyorlangan OITS kasalligi haqida sahna-ko’rinishlar namoyish etildi.
Tadbir so'nggida O'zbekiston yoshlar ittifoqining institutdagi boshlang’ich tashkiloti tomonidan faol, ijodkor talabalarga diplom va sertifikatlar topshirildi.
1 минута
4 декабря 2022