4 подписчика
Virusli marketing nima? Nima uchun uni hamma xohlaydi?
Reklama bo'ladiyu hech kim xohlamaydimi deb o'ylagan bo'lsangiz adashasiz. Virusli marketing va virusli reklama bir biridan farq qiladi.
Virusli reklama - bu omma orasida biror post, video, rasm, memning tarqalishi, ko'p ko'rilishi, sheyr qilinishi. Virusli reklama odatda reja asosida yuz bermaydi, u o'z-o'zidan shakllanadi va buni brend yoki blogerlar ta'sir o'tkaza olmaydi.
Virusli marketing - buni esa kompaniyalar oldindan reja qilishadi, uni tayyorlashadi va tahlil qilib borishadi.
Virusli marketing uchun kompaniya maxsus video, maqola, kitob yoki boshqa bir instrument yaratadilar. Uni blogger yoki ommaga mashhur shaxslar yordamida tarqatishga harakat qiladilar. Agar marketing "tochkasiga urilgan" bo'lsa oddiy odamlar bir-birlariga tarqatishni boshlaydilar.
Virusli marketingni ijobiy tomonlari bilan birga salbiy tomonlari ham bor:
▪️Uni oldindan aniq bilishni iloji yo'q
▫️Agar kompaniya o'ylagan maqsadiga yetmasa, kontent tayyorlash uchun kattagina mablag' yo'qotishlari ham mumkin.
▪️ Kontentni noto'g'ri qabul qilishlari, kompaniya hisobga olmagan "nozikliklar" omma tomonidan salbiy qabul qilinishi mumkin.
♻️ Virusli marketingning tarqalishi geometrik progressiya kabi kechadi: Bir odam 2 kishiga, 2 kishi 4 kishiga yuboradi va soniyalar hamda kunlar ichida tekinga butun ommaga yetib borishi mumkin.
Set Godin o'z kitobida virusli marketing qilish uchun quyidagi xususiyatlar bo'lishi zarur deb hisoblaydi. " u hamma uchun tushunarli, uni tarqatishdan qandaydir naf olinishi, statusini ko'tarish, kayfiyatni ko'tarish, jo'natuvchi, tarqatuvchini juda hurmat qilib uni tarqatishda o'z hissalarini qo'shishlari kerak bo'ladi"
Masalan, Nitsheni kitobini ozchilik tushunadi, uni tarqatishdan yoki u haqida yozishdan naf kam, lekin Gagnam Style qo'shig'ini hamma tushunadi, tarqatish orqali e'tibor jalb qilish imkoniyati bor.
Virusli kontentni shartli ravishda quyidagi 14 ta xususiyati ajratib ko'rsatish mumkin:
1. Kutilmagan faktlar, "qitiqlaydigan" sarlavhasi bor matnlar, maqolalar
2. Mashhur va trend mavzularni ochib beruvchi
3. Ruxlatntiruvchi iqtiboslar
4. Qoyilmaqom, o'ziga jalb qiluvchi rasmlar jamlanmasi
5. Bolalar va hayvonlar ishtirokidagi "mi-mishniy kontent"
6. Esda qolarli kontent
7. Noodatiy yo'l bilan bajarilgan, yangicha shaklda taqdim qilingan kontent
8. Odamlar haqida nimalarni aytuvchi qiziqarli testlar
9. Xavf yoki halokatdan xabar qiluvchi, ogohlikka chaqiruvchi kontent
10. Muvaffaqiyat siri. Ommaga mashhur odamning hali ma'lum qilinmagan yutuqlari, muvaffaqiyatlari
11. Sog'lik va sport haqida tavsiyalar, ko'rsatmalar
12. Sevgi va g'amxo'rlik
13. Uzoq umr ko'rishni va'da beruvchi kontentlar
14. Yurakka yaqin hikoyalar. "O'qing faqat yig'lamang" kabi
2 минуты
2 декабря 2022