4 подписчика
Marcatolog - marketing haqida gapiruvchi mushuksevar qiz
Milliy valyutamiz qabul qilingan yilida tug’ilganman. Alpomishning yori Barchinga qarindosh emasmankuya, lekin ikkimiz ham Surxondaryolikmiz. Bolaligim va maktab davrim o’sha issiq o’lkalarda bo’lgan, lekin o’zim oppoqinaman. Jaziramada kuymagan bo’lsam ham, o’qishga kirish ilinjida juda ko’p kuyganman. Naqd 4 yil umbaloq oshaverib, birinchi prezidentimiz vafot etgan yillarda talaba bo’lganman. (buni shunchaki fakt sifatida qabul qiling)
🙊 Sonlar bilan juda yaxshi kelishganim uchun iqtisodchi bo’lishga qaror qilganman, sonlarni sevsam-da sanalarni yoqtirmayman, shungadir, tarix fani bilan hech kelishmaganman.
Alohida ajralib turadigan iqtidorim yo’q, ko’zim yashilligini hisobga olmaganda (ajralib turadigan jihatimni maqtanib ketay dedimda). Yotvolib kitob o’qishni orzu qilsam ham amalga oshirolmayman, ko’pchilikka o’xshab uxlab qolamanda)).
🙉 Dili Nozik qiz degan ma’noni bersada, ismim va ko’nglimdan boshqa nozik joyim yo’q. Ko’ngilcham shunchalar nozikki, kimdir yo’q desa, o’sha odamni o’zimga dushman qilib olaman. Vaznim kabi, xarakterim ham og’ir, ammo siz o'ylagan darajada emas, juda ishonuvchan va ko’ngilchan insonman. Hamma bilan yaxshi munosabatda bo’lsamda, yaqin do’stlarim juda kam.
♥️ Laqablarim juda ham ko’p, ulardan menga yoqadigani Kuzya.
Uxlashni qanchalik yaxshi ko’rasiz?
Nimanidir qattiq yaxshi ko'rgan odamlar meni tushunishlari aniq! Chunki men ham siz uyquni yaxshi ko’rishingiz darajasida yashashni (yaxshi yaxshashni!) yaxshi ko’raman.
🦄 Sevimli ishimni topguncha juda ko’p joylarda ishlaganman, hatto farroshlik ham qilganman.
Yo’q, bu mening hayotimga tegishli emas, biroz lof qo'shay dedimda))
Bolalikdan nima xohlashimni aniq bilganim uchun o’zimga kerakli joylarda ishlaganman. Megaplanet supermarket qismida 2012-2013 yillar, orada abituriyentlik va talabalik sabab ta’tilga chiqqach, professional karyeramni 2019-yil Asaxiy.uz internet do’konida boshladim, hayot yo’limni va kasbimni belgilab olishimga muhim rol o’ynagan ishxonam. Keyin Profi University - Profi Education ta’lim tarmoqlariga tegishli xususiy universitet, bu yerda esa yetuk mutaxassis, o’ziga ishongan biznes egasi darajasiga chiqdim.
Marketing - meni hayot mazmunimga aylangan kabim, biznesni, marketingni juda yaxshi ko'raman. Haqiqiy kayf olaman ishlaganimda.
Content maker➖ SMM➖Head of Marketing department➖PR &Communication➖Project Management ➖ small business owner kabi mashaqatli yo'lni bosib o'tganman🙂
Hozirda bir qator kichik loyihalardan tashqari, bir yangicha, jamiyat uchun foydali bo’lishi maqsad qilingan internet loyihada Product Manager sifatida ish boshladim. Juda ham qiziq davr boshlangan men uchun.
Shaxsiy hayot: afsuski, yaqinda turmushga chiqdim. Lekin bu kunni uzoq kutdim, chunki bolaligimdan “turmushga chiqqaningda ering ruxsat bersa qilasan” degan gaplar haqiqatmi yo'q, tekshirish imkoni paydo bo'ladi!😁
(davomi kelgusi sonlarda)
2 минуты
1 декабря 2022