4 подписчика
Ish vaqti qancha o’zi?
Marketing sohasi vakillarining eng og’riqli nuqtasi - bu!
Afsuski, O’zbekistonning aksar ko’zga ko’ringan korxonalari ham marketing bo’limidan 9 dan 18 gacha ishda bo’lishini talab qilishadi.
Juda ko’p kuzatuvlar va tahlillar asosida aytishim mumkinki, sizni burning ostida 9 dan 18 gacha o’tiradigan marketologlar o’tmas pichoqqa aylanib boraveradi.
Marketing mutaxassislari -raqamlar va odamlar bilan ishlashadi! Bu degani ofisda vaqtida sizga natija ko’rsatishi uchun u odamlar bilan ishlashi, ijodkorlik bilan shug’ullanishi, bozorni, mijozlarni o’rganishi kerak.
Ofisda o’tirib, internetda olingan ma’lumotlar doim ham to’g’ri chiqavermaydi, sizning “men shunaqa deb o’ylayman” fikrlaringiz ham - haqiqatni anglatmaydi. Internetdagi ma’lumotlarni ham shu kompyuterda o’tirgan xodimlar yozadi, ba’zida rost, ba’zida esa “Susambil”.
Ijodkorlik-Creativity esa afsuski kompyuter qarshisida, aniq rejim vaqtida emas, tungi 2 yoki tong sahar, hamda umuman kutilmagan joyda -mijozlar bilan muloqot vaqtida kelib qolishi mumkin. 🫰
Xanjardek o’tkir, qoliplardan tashqari fikrlaydigan marketolog bo’lish uchun diqqinafas ofisda belgilangan vaqt tugashini kutib o’tkazmang.
O’z-o’zini boshqara oladigan, time-managementi kuchli mutaxassislar haqida edi bu. Agar birov niqtamasa ishlamaydigan xodim bo’lsa- tinchgina nazorat ostida ishlayvergani ham ma’qul😁
1 минута
30 ноября 2022