11 подписчиков
TOSHPTI TALABALARINING MAVKURAVIY IMMUNITETI MUSTAHKAMLANDI
2022 yil 14 noyabr kuni Alisher Navoiy nomidagi kino saroyi hamda Oʼzbekiston kinomatografiya agentligining binosida Toshkent pediatriya tibbiyot institutining talaba-yoshlari uchun “Jaholatga qarshi maʼrifat!” mavzusida maʼnaviy-maʼrifiy tadbir tashkil etildi.
Mazkur targ'ibot tadirida Toshkent pediatriya tibbiyot institutining jami 100 nafar professor-oʼqituvchilari hamda 1800 nafardan ziyod talabalari faol ishtirok etdilar.
Tadbirni Oʼzbekiston Vazirlar Mahkamasi huzuridagi Din ishlari boʼyicha qoʼmita raisining matbuot kotibi - Аxborot siyosati masalalari boʼyicha maslahatchisi Marupov Ilxom olib bordi.
So‘zga chiqqan mehmon milliy va umuminsoniy qadriyatlarga hurmat bilan qaraydigan, qat’iy hayotiy e’tiqod va qarashlarga ega bo‘lgan, milliy mentalitetimizga yot zararli ta’sirlarga qarshi turishga qodir yoshlarni tarbiyalashga, dunyo hamjamiyatini tashvishga solayotgan, din niqobi ostida faoliyat olib borayotgan turli diniy ekstremistik tashkilotlarning yoshlarni aldov yo‘li bilan o‘z saflariga qo‘shib olayotganidan, talaba-yoshlarni bunday guruhlar tahdididan doimo ogoh va hushyor bo‘lishi kabilar to‘g‘risida fikr va mulohazalarni bildirib, Islom dini insoniyat, jamiyatimizda faqatgina mehr-muhabbat, do‘stlik, ezgu ishlarni amalga oshirishga da’vat etuvchi yagona din ekanligini, bugungi kunda tinch va osuda osmon ostida yashab, bilim olayotganimiz uchun doimo shukronalik hissi xech birimizni tark etmasligi lozimligini ta’kidlab o‘tdi.
Shuningdek, tadbirda O‘zbekistonda davlat va din munosabatlari, huquqiy, madaniy, savodxonlik, radikalzm, ekstremizm, terrorizmga qarshi kurash hamda yoshlarga oid davlat siyosati masalalari bo’yicha tushuntirildi.
Tadbirda namoyish etilgan “Jar yoqasida” va "Soxta daʼvolar" videoroliklar ishtirokchilarning giyohvandlik, mutaassiblik va terrorning qanchalik xatar va xavf manbai ekanligi toʼgʼrisidagi tasavvurlarini aniq shakllantirishga yordam berdi.
Tadbir so‘nggida talabalar o‘zlarini qiziqtirgan savollarga javoblar oldilar va yoshlar o‘rtasida bu kabi uchrashuvlarni tez-tez tashkil qilish va o‘tkazib turishga kelishib olindi.
1 минута
15 ноября 2022