12 подписчиков
TOSHPTI XALQARO EKSPERTLAR TOMONIDAN TASHQI BAHOLASHDAN O‘TKAZILMOQDA
Jahon bankining “Oliy ta’limni modernizatsiya qilish” loyihasi doirasida oliy ta’lim muassasalarida ta’lim sifatini ta’minlash tizimini Yevropa ta’lim sifatini ta’minlash standartlari va yo‘riqnomalari (ESG) asosida takomillashtirish ishlarini amaliyotga joriy etish maqsadida 2022 yil 26 oktyabridan 2 noyabr kuniga qadar Toshkent pediatriya tibbiyot institutini xorijiy tajriba asosida ta’lim sifatini ichki va tashqi ta’minlash standartlariga muvofiq tashqi baholash jarayoni o‘tkazilmoqda.
Xorijiy tajriba asosida ishlab chiqilgan ta’lim sifatini tashqi ta’minlash standartlari asosida Toshkent pediatriya tibbiyot institutini tashqi baholash oliy ta’lim sohasining yuqori malakali mutaxassislardan iborat nufuzli eksperlar guruhi tomonidan hamda mahalliy - Ro‘zmetov Raxmatjon Ibodullayevich va xalqaro - Nora Skaburskiene eksperlar kuzatuvi ostida o‘tkazilmoqda.
Ma’lumot uchun: mazkur jarayon O‘zbekiston Respublikasi Prezidentining 2021 yil 24 dekabrdagi PQ-60- son “Davlat oliy ta’lim muassasalarining akademik va tashkiliy-boshqaruv mustaqilligini ta’minlash bo‘yicha qo‘shimcha chora-tadbirlar to‘g‘risida”gi qarori va O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish Davlat inspeksiyasi hamda Oliy va o‘rta maxsus ta’lim vazirligining 2022-yil 7-apreldagi 09/kk va 06-l-2022-son qarori, O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish Davlat inspeksiyasi boshlig‘ining 2022 yil 2 maydagi va 2022 yil 5 oktyabrdagi 282-son buyrug‘iga muvofiq amalga oshirilmoqda.
1 минута
26 октября 2022