11 подписчиков
⚡️TOSHPTI TALABALAR UCHUN YANGI ELEKTRON PLATFORMANI “TALABA PORTFOLIOSI” ISHGA TUSHIRDI
Toshkent pediatriya tibbiyot instituti talabalar faoliyatini qayd etish va baholash uchun “ToshPTI Talabalar portfoliosi” deb nomlangan yangi elektron platformasini ishga tushirganini e’lon qiladi.
Ushbu platformani yaratishdan maqsad talabalarga qulaylik yaratish, ularning ko‘nikma va yutuqlarni elektron tarzda qayd etish, talabalarning yuqori motivatsiyasini ta'minlash, ularning faolligi va mustaqilligini oshirish, moddiy rag'bat olish imkoniyatlarini kengaytirishdan iborat.
Demak endi institut talabalari ushbu platformadagi shaxsiy kabinet yordamida diplom, sertifikat va ularningyutuqlarini tasdiqlovchi boshqa hujjatlarni yuklash orqali roʻyxatdan oʻtishlari va yutuqlarini eʼlon qilishlari hamda ular uchun moddiy rag'bat olishlari mumkin.
Shuningdek, platforma ishga tushganidan buyon talabalarni moddiy rag‘batlantirish tizimi to‘liq elektron formatga o‘tishini ham alohida ta’kidlash joiz. Endilikda o‘z yutuqlari uchun moddiy rag‘batlantirish yoki belgilangan qoidalarga muvofiq moddiy yordam olishni xohlovchi talabalar ro‘yxatdan o‘tishlari va platformaga o'z yutuqlari to'g'risidagi tegishli hujjatlarni yuklashlari hamda ularni yangilab turishlari lozim bo'ladi.
Bundan tashqari, har bir semestr va o‘quv yili yakunida platformada institutning TOP-50 eng muvaffaqiyatli talabalarining ochiq ro‘yxati shakllantirilib, institut rahbariyati tomonidan qimmatbaho sovg‘alar bilan rag‘batlantiriladi.
Ushbu platformadan foydalanishni osonlashtirish maqsadida “ToshPTI talabalar portfoliosi” elektron platformasidan foydalanish boʻyicha video yo'riqnomalar tayyorlandi, ular bilan quyidagi havola orqali tanishishingiz mumkin:
Qo‘shimcha ma’lumot olish uchun O‘zbekiston yoshlar ittifoqining institutdagi boshlang‘ich tashkiloti, talabalar kengashi, dekan o‘rinbosarlari va tyutorlarga murojaat qilishingiz mumkin.
1 минута
24 октября 2022