Sog‘liqni saqlash vazirining amaliyotchi shifokorlar va olimlar bilan uchrashuvi bo‘lib o‘tdi
Bugun Toshkent davlat tibbiyot universitetida O‘zbekiston Respublikasi Sog‘liqni saqlash vaziri Eldor Adilov hamda vazir o‘rinbosarlari ishtirokida amaliyotchi shifokorlar, tibbiyot sohasi olimlari va professor-o‘qituvchilar bilan uchrashuv bo‘lib o‘tdi.
Uchrashuv davomida sog‘liqni saqlash tizimini rivojlantirish, tibbiy ta’lim sifatini oshirish, ilm-fan va amaliyot integratsiyasini kuchaytirish, zamonaviy diagnostika hamda davolash usullarini amaliyotga keng joriy etish masalalari muhokama qilindi.
Uchrashuvda amaliyotchi shifokorlar va olimlar tomonidan bildirilgan taklif hamda tashabbuslar tinglanib, sohada mavjud dolzarb masalalar yuzasidan fikr almashildi. Vazir tomonidan sog‘liqni saqlash tizimini yanada takomillashtirishga qaratilgan ustuvor yo‘nalishlar haqida ma’lumot berildi.
Ochiq muloqot ruhida o‘tgan uchrashuv tibbiyot sohasi vakillari uchun tajriba almashish va kelgusidagi hamkorlik yo‘nalishlarini belgilashda muhim ahamiyat kasb etdi.
Telegram | Facebook | Instagram | YouTube | X | linkedin | Tik Tok
