➡️Toshkent davlat tibbiyot universiteti talabasi xalqaro innovatsiyalar tanlovida Oltin statuetka va sertifikatni qo‘lga kiritdi
🔺2026-yilda Xitoyda o‘tkazilgan China–Central Asia College Students' Innovation and Startup Competition xalqaro innovatsiyalar va startaplar tanlovida Toshkent davlat tibbiyot universiteti 2-pediatriya fakulteti, Tibbiy biologiya yo‘nalishi 305-guruh talabasi Ilesova Balnura Allergologiya, klinik immunologiya va mikrobiologiya kafedrasi dotsenti Karimova Z. K. ilmiy rahbarligida muvaffaqiyatli ishtirok etdi.
🔺Mazkur xalqaro tanlovda Markaziy Osiyo davlatlari hamda Xitoyning nufuzli oliy ta’lim muassasalaridan tashrif buyurgan talabalar jamoalari qatnashib, 40 dan ortiq innovatsion startap loyihalari taqdim etildi.
🔺Ilesova Balnura va uning ilmiy rahbari «The World's First Maternal Science and Technology Functional Food Pioneer» nomli ilmiy startap loyihasini muvaffaqiyatli himoya qildi. Loyiha o‘zining ilmiy yangiligi, innovatsion yondashuvlari va amaliy ahamiyati bilan xalqaro hakamlar hay’ati tomonidan yuksak baholandi.
✈️Tanlov yakunlariga ko‘ra, jamoa Oltin statuetka hamda xalqaro sertifikat bilan taqdirlandi. Shuningdek, ular Xitoyda o‘tkaziladigan tanlovning xalqaro final bosqichida ishtirok etish uchun maxsus yo‘llanmani qo‘lga kiritdilar.
✈️Mazkur yutuq Toshkent davlat tibbiyot universiteti talabalarining xalqaro ilmiy maydondagi salohiyati, innovatsion fikrlashi va mamlakatimiz ilm-fanining nufuzini xalqaro miqyosda munosib namoyon etayotganining yana bir yorqin tasdig‘i bo‘ldi.
✅Rasmiy sahifalarimiz!
Telegram | Facebook | Instagram | YouTube | X | Linkedin
