Тыва дылым

Айдың дүне аакталган чаш-ла төлүн

Аадып-чайгап, оожуктуруп, удудар дээш,

Ием меңээ өпей ырын ырлап чораан

Игил ышкаш уян үннүг тыва дылым.

Сырын-биле сымырашкан сыгыт-ырын

Чылгычы эр кожагарга сала бээрге,

Хоор чылгы хоя бербейн, таалап дыңнаар

Хомус ышкаш хоюг үннүг тыва дылым.

Уран-чечен хуулгаазын тоол-домаан

Улай-улай кырган-ачам ыдып орда,

Чажымдан-на кулак салбайн дыңнап өскен

Чадаган дег чараш үннүг тыва дылым.

09. 07. 26

#енданбс