🔴🟦🟦🟦
🔺 Toshkent davlat tibbiyot universitetida reabilitatsiya bo‘yicha xalqaro seminar bo‘lib o‘tmoqda
➡️Seminar davomida ishtirokchilar Yaponiya reabilitatsiya tizimining o‘ziga xos jihatlari, bemorlarni tiklash jarayonida qo‘llaniladigan zamonaviy metodlar va xalqaro amaliyotda keng foydalanilayotgan baholash tizimlari bilan tanishmoqda.
🔹Tadbir dasturidan reabilitatsiyaning mazmun-mohiyati va asosiy maqsadlari, nogironlikka kompleks yondashuv hamda ICF (International Classification of Functioning, Disability and Health) tizimi asosida tahlil qilish masalalari o‘rin olgan. Shuningdek, reabilitatsiya samaradorligini baholashda FIM (Functional Independence Measure) tizimidan foydalanishning afzalliklari, tekshiruv natijalarini to‘g‘ri baholashning ahamiyati va davolash dasturlarini shakllantirishda reabilitatsion baholash tartibining o‘rni muhokama qilinmoqda.
🔺Seminarda jismoniy terapiyada individual yondashuvning ahamiyati, har bir bemorning funksional holatini chuqur o‘rganish va shunga mos reabilitatsiya dasturlarini ishlab chiqish masalalariga ham alohida e’tibor qaratilmoqda.
✈️Tadbirda sohaning yetakchi xorijiy ekspertlar hamda mamlakatimizning reabilitatsiya sohasi mutaxassislari qatnashib, o‘z tajribalari va amaliy tavsiyalari bilan o‘rtoqlashmoqda.
🔹Mutaxassislarning ta’kidlashicha, bunday xalqaro seminarlar reabilitatsiya xizmatlari sifatini oshirish, ilg‘or xorijiy tajribalarni amaliyotga joriy etish hamda soha mutaxassislarining kasbiy salohiyatini yanada rivojlantirishga xizmat qiladi.
✈️Seminar yakunida ishtirokchilar o‘rtasida fikr almashish, amaliy tajribalarni muhokama qilish va kelgusidagi hamkorlik istiqbollari yuzasidan muloqotlar o‘tkazilishi rejalashtirilgan.
✅Rasmiy sahifalarimiz!
Telegram | Facebook | Instagram | YouTube | X | Linkedin
В этом посте есть большое видео, которое не загрузилось в Дзен. Откройте оригинал поста в телеграме, чтобы его посмотреть
