Псковта Башҡортостан батальоны документтары табылған
Табылған байраҡ һәм документтар ентекле тикшереү өсөн архивтарға тапшырыла
Бөгөнгө Хөкүмәттең аҙналыҡ кәңәшмәһе 22 июндә – Бөйөк Ватан һуғышы башланыуға 85 йыл тулған көндө үтте. Һәм ошо көндө Башҡортостан Башлығы Радий Хәбиров бик үҙенсәлекле тарихи табыш тураһында хәбәр итте.
Псков өлкәһе ирекмәндәре Башҡортостанда — Стәрлетамаҡ һәм Дәүләкән райондарында ойошторолған айырым элемтә батальоны документтары менән сейфты тапҡан.
– Был бик үҙенсәлекле табыш: текстың 1000-гә яҡын битен ентекләп өйрәнергә кәрәк, – тине Радий Хәбиров.
Ул табылған байраҡ һәм документтар ентекле тикшереү өсөн архивтарға тапшырыла тине.
– Мөғжизә бит: сейф һаҙлыҡта табылған, документтар шундай хәлдә, уларҙы уҡырға мөмкин. Билдәһеҙ биттәрҙе асыу өсөн тарихсыларҙы, эксперттарҙы йәлеп итеүегеҙҙе һорайым. Былар барыһы ла беҙгә ул йылдарҙағы ваҡиғалар тураһында күберәк белергә мөмкинлек бирә, — тине Башҡортостан Башлығы. – Тап килеүен күрегеҙ: бөгөн 22 июнь, 85 йыл элек Бөйөк Ватан һуғышы башланған көндә шундай яңылыҡ. Әлбиттә, был илебеҙҙең тарихындағы иң тетрәндергес көндәр. Бөгөн иҫтәлекле сараларҙа ҡатнашҡандарҙың барыһына ла рәхмәт белдерәм.
Төбәк башлығы, был ауыр һәм фажиғәле дата, әммә тарих ҡабатланмаһын өсөн уны иҫтә тотоу зарур, тип билдәләне.
Фото: скриншот.