🌿Алабуга районының 🏡Олы Шүрнәк авылы музее җирле халыкны гына түгел, керәшеннәрнең тарихы һәм үзенчәлеге белән кызыксынучы туристларны да җәлеп итә😍
Шушы көннәрдә генә Олы Шүрнәк авыл музее кунаклары булып Алабуга шәһәреннән нефтьчеләр килде🤝
💬“Алар безнең авыл тарихы һәм мәдәнияте мөхитенә чумдылар, традицион тормыш-көнкүреш, һөнәрчелек, милли ризыклар белән таныштылар. Җирлек башлыгы Николай Мельников кунакларны экспонатлар куелган зал буйлап алып йөрде, керәшеннәрнең узган буын тормышы, йола-гадәтләре турында сөйләде.
Кызыклы экскурсиядән соң кунаклар милли ризыклар белән сыйландылар. Кайнар коймак, хуш исле чәй аларның күңеленә хуш килде. Олы Шүрнәктән «Сүрәкә» ансамбле дә катнашты», – дип сөйләде авыл мәдәният йортының сәнгать җитәкчесе 💫Роза Роева.
📸Роза Роева фотосы.
