13 подписчиков

Toshkent davlat tibbiyot universitetida kafedralar faoliyati yuzasidan tahliliy yig‘ilishlar davom etmoqda

СегодняСегодня

1 мин

Toshkent davlat tibbiyot universitetida fakultet va kafedralar faoliyatini kompleks baholashga qaratilgan tahliliy yig‘ilishlarning navbatdagi bosqichi bo‘lib o‘tdi. Unda joriy yilning o‘tgan davri mobaynida amalga oshirilgan ishlar sarhisob qilinib, kelgusidagi ustuvor vazifalar belgilab olindi. Yig‘ilish davomida kafedralarning ta’lim sifati, ilmiy faoliyati, xalqaro hamkorlik aloqalari hamda ma’naviy-ma’rifiy yo‘nalishlarda olib borayotgan ishlari yuzasidan hisobotlar tinglandi. Har bir yo‘nalish bo‘yicha erishilgan natijalar tahlil qilinib, mavjud imkoniyatlardan samarali foydalanish masalalariga alohida e’tibor qaratildi. Muhokamalarda ta’lim jarayonini zamonaviy talablar asosida tashkil etish, innovatsion pedagogik texnologiyalarni keng qo‘llash, talabalar amaliy tayyorgarligini kuchaytirish hamda ilmiy tadqiqotlar samaradorligini oshirish bo‘yicha amalga oshirilayotgan ishlar ko‘rib chiqildi. Shuningdek, professor-o‘qituvchilarning ilmiy faolligi, xalqaro reytinglarga ta’sir k

Yig‘ilish davomida kafedralarning ta’lim sifati, ilmiy faoliyati, xalqaro hamkorlik aloqalari hamda ma’naviy-ma’rifiy yo‘nalishlarda olib borayotgan ishlari yuzasidan hisobotlar tinglandi. Har bir yo‘nalish bo‘yicha erishilgan natijalar tahlil qilinib, mavjud imkoniyatlardan samarali foydalanish masalalariga alohida e’tibor qaratildi.

Muhokamalarda ta’lim jarayonini zamonaviy talablar asosida tashkil etish, innovatsion pedagogik texnologiyalarni keng qo‘llash, talabalar amaliy tayyorgarligini kuchaytirish hamda ilmiy tadqiqotlar samaradorligini oshirish bo‘yicha amalga oshirilayotgan ishlar ko‘rib chiqildi. Shuningdek, professor-o‘qituvchilarning ilmiy faolligi, xalqaro reytinglarga ta’sir ko‘rsatuvchi ko‘rsatkichlar va nufuzli ilmiy jurnallardagi nashrlar holati yuzasidan fikr almashildi.

Yig‘ilishda ta’lim va ilm-fan integratsiyasini mustahkamlash, klinik bazalar bilan hamkorlikni kengaytirish, raqamli texnologiyalar imkoniyatlaridan yanada samarali foydalanish hamda yosh ilmiy kadrlarni qo‘llab-quvvatlash masalalari ham kun tartibidan o‘rin oldi.

Tahlillar davomida ayrim kafedralarning ilg‘or tajribalari e’tirof etilib, mavjud muammolarni bartaraf etish bo‘yicha aniq vazifalar belgilandi. Mas’ullarga faoliyat samaradorligini oshirish, sifat ko‘rsatkichlarini yaxshilash va universitetning xalqaro maydondagi raqobatbardoshligini yanada mustahkamlash yuzasidan tegishli topshiriqlar berildi.

Qayd etilishicha, bunday ochiq va tahliliy muloqotlar universitet faoliyatini takomillashtirish, ta’lim sifatini yangi bosqichga olib chiqish hamda ilmiy salohiyatni yanada rivojlantirishga xizmat qilmoqda. Yig‘ilishlar esa belgilangan reja asosida izchil davom ettirilmoqda.