13 подписчиков

Toshkent davlat tibbiyot universiteti Akademik litseylari bitiruvchilariga diplomlar topshirildi

СегодняСегодня

1 мин

Bugun Toshkent shahar Yoshlar markazi Faollar zalida Toshkent davlat tibbiyot universiteti tasarrufidagi akademik litseylar bitiruvchilariga bag‘ishlangan “Bitiruvchi–2026” tantanali diplom topshirish marosimi bo‘lib o‘tdi. Tadbirda Toshkent davlat tibbiyot universiteti rektori, professor Shuxrat Boymuradov, universitet prorektorlari, akademik litseylar rahbariyati, pedagoglar, ota-onalar va bitiruvchilar ishtirok etdi. Marosim davomida so‘zga chiqqanlar mamlakatimizda yosh avlodning sifatli ta’lim olishi, zamonaviy bilim va ko‘nikmalarni egallashi uchun yaratilayotgan keng imkoniyatlar, ta’lim tizimida amalga oshirilayotgan islohotlar hamda yoshlarning intellektual salohiyatini rivojlantirishga qaratilayotgan e’tibor haqida alohida to‘xtaldilar. Bitiruvchilar hayotidagi muhim bosqichni muvaffaqiyatli yakunlagani bilan tabriklanib, ularga kelgusidagi o‘qish va kasbiy faoliyatlarida ulkan zafarlar tilandi. Ma’lumotlarga ko‘ra, 2026-yilda Toshkent davlat tibbiyot universiteti tasarruf

Tadbirda Toshkent davlat tibbiyot universiteti rektori, professor Shuxrat Boymuradov, universitet prorektorlari, akademik litseylar rahbariyati, pedagoglar, ota-onalar va bitiruvchilar ishtirok etdi.

Marosim davomida so‘zga chiqqanlar mamlakatimizda yosh avlodning sifatli ta’lim olishi, zamonaviy bilim va ko‘nikmalarni egallashi uchun yaratilayotgan keng imkoniyatlar, ta’lim tizimida amalga oshirilayotgan islohotlar hamda yoshlarning intellektual salohiyatini rivojlantirishga qaratilayotgan e’tibor haqida alohida to‘xtaldilar. Bitiruvchilar hayotidagi muhim bosqichni muvaffaqiyatli yakunlagani bilan tabriklanib, ularga kelgusidagi o‘qish va kasbiy faoliyatlarida ulkan zafarlar tilandi.

Ma’lumotlarga ko‘ra, 2026-yilda Toshkent davlat tibbiyot universiteti tasarrufidagi 3 ta akademik litseyni jami 496 nafar bitiruvchi tamomlamoqda. Ularning 100 nafari qizil diplom sohibi bo‘ldi. Shuningdek, bitiruvchilar orasidan 5 nafar o‘quvchi oltin medal, 4 nafar o‘quvchi esa kumush medal bilan taqdirlandi.

Tadbir doirasida ta’lim, fan va jamoat ishlarida yuqori natijalarga erishgan, akademik litseylarni a’lo baholar bilan tamomlagan bir guruh bitiruvchilarga diplomlar va esdalik sovg‘alari topshirildi.

Ko‘tarinki ruhda o‘tgan marosim bitiruvchilarning hayotidagi unutilmas voqealardan biriga aylanib, ularning oliy ta’lim va kelajakdagi kasbiy faoliyat sari dadil qadam tashlashlarida muhim ahamiyat kasb etdi. Tadbir yakunida bitiruvchilar, ustozlar va ota-onalar uchun bayramona madaniy dastur namoyish etildi.