13 подписчиков

Toshkent davlat tibbiyot universitetida kafedralar faoliyati tahlil qilinmoqda

ВчераВчера

1 мин

Toshkent davlat tibbiyot universitetida fakultet va kafedralarning joriy yilning birinchi yarmida amalga oshirgan faoliyati yakunlari hamda istiqboldagi ustuvor vazifalarga bag‘ishlangan yig‘ilishlar davom etmoqda. Bugungi muhokamalar davomida navbatdagi kafedralarning ta’lim, ilmiy-tadqiqot va ma’naviy-ma’rifiy yo‘nalishlardagi faoliyati atroflicha ko‘rib chiqildi. Xususan, o‘quv jarayoniga zamonaviy pedagogik yondashuvlarni joriy etish, talabalar bilimini baholash tizimini takomillashtirish, ilmiy salohiyatni oshirish hamda xalqaro hamkorlikni kengaytirish borasida erishilgan natijalar yuzasidan tahliliy ma’lumotlar taqdim etildi. Yig‘ilishda kafedralar faoliyatining samaradorlik ko‘rsatkichlari, professor-o‘qituvchilarning ilmiy nashrlardagi faolligi, xalqaro ilmiy bazalarda e’lon qilingan maqolalar soni, grant loyihalaridagi ishtiroki hamda yosh olimlarni qo‘llab-quvvatlash bo‘yicha olib borilayotgan ishlar alohida muhokama markazida bo‘ldi. Shuningdek, amaliy ko‘nikmalarni must

Bugungi muhokamalar davomida navbatdagi kafedralarning ta’lim, ilmiy-tadqiqot va ma’naviy-ma’rifiy yo‘nalishlardagi faoliyati atroflicha ko‘rib chiqildi. Xususan, o‘quv jarayoniga zamonaviy pedagogik yondashuvlarni joriy etish, talabalar bilimini baholash tizimini takomillashtirish, ilmiy salohiyatni oshirish hamda xalqaro hamkorlikni kengaytirish borasida erishilgan natijalar yuzasidan tahliliy ma’lumotlar taqdim etildi.

Yig‘ilishda kafedralar faoliyatining samaradorlik ko‘rsatkichlari, professor-o‘qituvchilarning ilmiy nashrlardagi faolligi, xalqaro ilmiy bazalarda e’lon qilingan maqolalar soni, grant loyihalaridagi ishtiroki hamda yosh olimlarni qo‘llab-quvvatlash bo‘yicha olib borilayotgan ishlar alohida muhokama markazida bo‘ldi.

Shuningdek, amaliy ko‘nikmalarni mustahkamlash, klinik bazalar bilan hamkorlikni yanada rivojlantirish, ta’lim sifatini oshirish va raqamli texnologiyalarni o‘quv jarayoniga keng joriy etish masalalariga ham e’tibor qaratildi.

Muhokamalar davomida ayrim yo‘nalishlarda erishilgan ijobiy natijalar e’tirof etilgan bo‘lsa, mavjud kamchilik va muammolar yuzasidan aniq takliflar bildirildi. Mas’ullarga faoliyat samaradorligini oshirish, belgilangan ko‘rsatkichlarga erishish hamda universitetning xalqaro nufuzini mustahkamlashga qaratilgan vazifalar yuklatildi.

Ta’kidlanganidek, bunday tahliliy yig‘ilishlar har bir kafedra faoliyatini chuqur o‘rganish, mavjud imkoniyatlarni to‘liq safarbar etish va ta’lim hamda ilm-fan sohasida yangi marralarni belgilashda muhim ahamiyat kasb etmoqda. Universitetda olib borilayotgan tizimli tahlillar esa kelgusidagi rivojlanish strategiyasini yanada aniq va samarali shakllantirishga xizmat qilmoqda.