Giyohvandlikka qarshi kurash xalqaro kuni munosabati bilan o‘tkazilgan “Zakovat” intellektual o‘yinida ToshDavTU jamoasi mutloq g‘olib bo‘ldi!
🚭 Giyohvandlik va psixotrop moddalarning salbiy oqibatlariga qarshi kurashish hamda sog‘lom turmush tarzini targ‘ib qilish maqsadida, 30 ga yaqin oliy taʼlim muassasalari o‘qituvchilari o‘rtasida “Zakovat” intellektual o‘yini tashkil etildi.
🧠 Qizg‘in va murosasiz kechgan bilimlar bellashuvida ishtirokchilarga turli qiziqarli va mantiqiy mavzular bilan bir qatorda, aynan giyohvandlikka qarshi kurash mavzusiga oid maxsus savollar ham taqdim etildi. Shuningdek, tadbir davomida yig‘ilganlarni ushbu illatdan yiroq bo‘lishga chorlovchi, chuqur maʼnoli ijtimoiy videoroliklar namoyish etildi.
🏆 Respublikamizning ko‘plab nufuzli universitetlari o‘rtasida kechgan ushbu bilimlar jangida Toshkent davlat tibbiyot universitetining o‘qituvchilaridan iborat “Vita” jamoasi yuqori intellektual salohiyat namoyish etib, faxrli 1-o‘rinni qo‘lga kiritdi!
🎫 G‘olib bo‘lgan jamoalarga hamkorlar tomonidan keng imkoniyatlar taqdim etuvchi “Mutolaa”, “UstozAI” hamda “UzChess” loyihalarining premium obuna vaucherlari tantanali ravishda topshirildi.
ToshDavTU jamoasini va barcha ustozlarimizni ushbu yorqin g‘alaba bilan muborakbod etamiz!
✅Rasmiy sahifalarimiz:
Telegram | Facebook | Instagram | YouTube | X | LinkedIn
