14 подписчиков

Toshkent davlat tibbiyot universiteti xalqaro hamkorlik aloqalarini kengaytirmoqda

ВчераВчера

1 мин

Bugun Toshkent davlat tibbiyot universitetida Xitoy Xalq Respublikasining yetakchi oliy ta’lim muassasalaridan biri — Tyanjin tibbiyot universiteti delegatsiyasi bilan rasmiy uchrashuv bo‘lib o‘tdi. Tashrif avvalida mehmonlar universitetning ta’lim, ilmiy-tadqiqot va klinik faoliyati bilan yaqindan tanishdilar. Delegatsiyaga universitetda yaratilgan zamonaviy o‘quv-amaliy sharoitlar, ilmiy laboratoriyalar, klinik bazalar hamda xalqaro hamkorlik doirasida amalga oshirilayotgan loyihalar haqida batafsil ma’lumot berildi. Shundan so‘ng universitet rektori Shuxrat Boymuradov boshchiligida Tyanjin tibbiyot universiteti delegatsiyasi bilan muzokaralar o‘tkazildi. Delegatsiyaga Tyanjin tibbiyot universiteti Xalqaro tibbiyot maktabi dekani, professor Han Fey rahbarlik qildi. Uchrashuv davomida tibbiy ta’lim va ilm-fan sohasidagi hamkorlikning ustuvor yo‘nalishlari muhokama qilindi. Xususan, talabalar va professor-o‘qituvchilar almashinuvini yo‘lga qo‘yish, qo‘shma ta’lim dasturlarini ishlab

Shundan so‘ng universitet rektori Shuxrat Boymuradov boshchiligida Tyanjin tibbiyot universiteti delegatsiyasi bilan muzokaralar o‘tkazildi. Delegatsiyaga Tyanjin tibbiyot universiteti Xalqaro tibbiyot maktabi dekani, professor Han Fey rahbarlik qildi.

Uchrashuv davomida tibbiy ta’lim va ilm-fan sohasidagi hamkorlikning ustuvor yo‘nalishlari muhokama qilindi. Xususan, talabalar va professor-o‘qituvchilar almashinuvini yo‘lga qo‘yish, qo‘shma ta’lim dasturlarini ishlab chiqish, ilmiy tadqiqotlarni birgalikda amalga oshirish hamda klinik hamkorlikni kengaytirish masalalariga alohida e’tibor qaratildi.

Muloqot chog‘ida Tyanjin tibbiyot universitetining ko‘krak bezi onkologiyasi, onkoplastik jarrohlik, diagnostika va epidemiologik tadqiqotlar yo‘nalishlarida faoliyat yuritayotgan mutaxassislari o‘z tajribalari bilan o‘rtoqlashib, ushbu sohalarda istiqbolli hamkorlik loyihalarini amalga oshirish bo‘yicha takliflar bildirdilar.

Muzokaralar yakunida ikki oliy ta’lim muassasasi o‘rtasida o‘zaro hamkorlik to‘g‘risidagi memorandum imzolandi. Mazkur hujjat akademik almashinuv dasturlarini rivojlantirish, qo‘shma ilmiy loyihalarni amalga oshirish hamda tibbiy ta’lim va sog‘liqni saqlash sohasida xalqaro hamkorlikni yangi bosqichga olib chiqishga xizmat qiladi.

Uchrashuv ikki universitet o‘rtasidagi strategik sheriklikni mustahkamlash, ilg‘or tajribalarni almashish va zamonaviy tibbiyotning ustuvor yo‘nalishlarida samarali hamkorlikni rivojlantirish yo‘lidagi muhim qadam bo‘ldi.