Дзяржаўны музей гісторыі беларускай літаратуры - адзін з найбуйнейшых літаратурных музеяў краіны. У яго фондах і фондах яго філіялаў захоўваецца больш за 100 тысяч прадметаў! Найцікавейшыя экспанаты - рэчы класікаў беларускай літаратуры, якія не толькі захоўваюць цяпло рук вядомых асоб, але і могуць расказаць пра характар і захапленні свайго ўладальніка. Пра рэчы класікаў расказалі загадчык аддзела ўліку, навуковай апрацоўкі і захоўвання фондаў Дзяржаўнага музея гісторыі беларускай літаратуры Ірына СКОК i вядучы навуковы супрацоўнік аддзела ўліку, навуковай апрацоўкі і захоўвання фондаў музея Таццяна ВАСIЛЬЕВА.