Тываның баштыңы Владислав Ховалыг Яндекс компания-биле кады ажылдажылга дугайында дугуржулгага атты салган. 👍 Бөгүнде чурагайжыдылга регионнарны хөгжүдериниң кол чепсээ болуп турар. Тывага ол эштежилге экономикага, күрүне эргелеп-башкарылгазынга, өөредилгеге, туризмге болгаш культура өнчү-салгалын камгалаар адырга аргаларны ажыдар.
Яндекс-биле кады ажылдажылга 2016 чылдан бээр чоруп турар. Ол үениң дургузунда нейросетьтерни өөредири-биле чүс-чүс муң домактар болгаш сөзүглелдер чыыр улуг ажылдар кылдынган. Ооң түңнелинде тыва дылды Яндекс Очулдурукчу биле Яндекс Клавиатурага немээн👍👍. Ол ону республиканың чурттакчыларынга, шинчилекчилерге болгаш туристерге элээн чедингир болдурган. Ам тыва чугаа синтезиниң болгаш таныырының системаларын ажылдап кылыры уламчылап турар.