Аксаковтар ғаиләһе тураһында күргәҙмә асылды
“Китап байрамы” халыҡ-ара китап йәрминкәһе уҙғарылған көндә Башҡортостан Республикаһының Милли музейында “Аксаковтар ғаиләһе – Ватанға хеҙмәт итеү” күргәҙмәһе асылды. Экспозиция Сергей Тимофеевич Аксаковтың тыуыуына 235 йылға арнала һәм Рәсәй халыҡтарының берҙәмлеге һәм төбәктә иғлан ителгән Ҙур һәм татыу ғаилә йылдарындағы сараларҙың мөһим өлөшө булып тора.
“Китап байрамы” халыҡ-ара китап йәрминкәһе уҙғарылған көндә Башҡортостан Республикаһының Милли музейында “Аксаковтар ғаиләһе – Ватанға хеҙмәт итеү” күргәҙмәһе асылды. Экспозиция Сергей Тимофеевич Аксаковтың тыуыуына 235 йылға арнала һәм Рәсәй халыҡтарының берҙәмлеге һәм төбәктә иғлан ителгән Ҙур һәм татыу ғаилә йылдарындағы сараларҙың мөһим өлөшө булып тора.
Күргәҙмә яҙыусының тормошо һәм ижады, уның донъяға ҡарашын булдырыуҙа ғаиләнең роле, Рәсәйҙең йәмәғәт, дәүләт, фәнни һәм әҙәби тормошона шулай уҡ ҙур өлөш индергән балаларының яҙмышы тураһында һөйләй. Күргәҙмәлә Милли музей һәм С.Т. Аксаков Мемориаль-йорт музейы фондтарында һаҡланған XVIII -XIX быуатта баҫылған төп һәм һирәк баҫмаларҙы күрергә мөмкин буласаҡ. Күргәҙмәне асҡанда БР Хөкүмәте премьер-министрының беренсе урынбаҫары Урал Килсенбаев: ”Сергей Тимофеевич әҫәрҙәрендә башҡорт тәбиғәтен үҙ ере, ҙур Рәсәй ере, тип һүрәтләй. Аксаковтар ғаиләһе – ул Ватанға хеҙмәт итеү өлгөһө”, - тип һыҙыҡ өҫтөнә алды.
Рәсәй яҙыусыһы, публицист, йәмәғәт һәм дәүләт эшмәкәре, Рәсәй Яҙыусылар союзының яуаплы секретары, РФ Президенты эргәһендәге мәҙәниәт буйынса совет ағзаһы Николай Иванов тарихи хәтерҙең һәм ата-бабаларға хөрмәттең мөһимлеген иҫкә төшөрҙө. Тарихҡа мөрәжәғәт иткәндә генә хәҙергенең юғалып ҡалмауын һыҙыҡ өҫтөнә алды ул.
Сарала Башҡортостандың матбуғат һәм киң мәғлүмәт саралары буйынса агентлығы етәксеһе Максим Ульчевҡа китап эшенә индергән өлөшө өсөн Рәсәй Китап нәшриәтселәре ассоциацияһының почет билдәһе тапшырылды. Ульчев милли китап нәшриәтенең ролен билдәләне - ул милли телдәрҙә баҫылған китаптарҙың ассортименты һәм тиражы буйынса бишәү иҫәбенә инеүе һәм Башҡортостанда сығарылған китаптарҙы бөгөн Рәсәйҙең 85 төбәгендә, шулай уҡ сит илдәрҙә һатып алыуҙары тураһында хәбәр итте.
Программала “Рәсәй халыҡтары эпостары китапханаһы” проекты презентацияһы айырым урын алды. Ойоштороусылар әйтеүенсә, "Аксаковтар ғаиләһе - Ватанға хеҙмәт итеү" күргәҙмәһе һәм Китап байрамы ваҡиғалары килеүселәрҙе бай тарихи-мәҙәни мираҫ менән таныштырыуҙан тыш, уларҙа китапҡа, әҙәбиәткә, Рәсәй халыҡтарының рухи традицияларына ҡыҙыҡһыныуҙарын да нығытасаҡ.
Фото: пресс-служба книжной ярмарки «Китап Байрам».