🔺 Toshkent davlat tibbiyot universiteti professor-o‘qituvchilari va talaba-yoshlar ishtirokida O‘zbekiston davlat filarmoniyasining “Bulbulcha” bolalar ansambli tomonidan taqdim etilgan “Quvnoq alifbo” nomli musiqiy-konsert dasturi namoyishi tashkil etildi.
🔺 2026-yil 22-may kuni “Turkiston” san’at saroyida bo‘lib o‘tgan mazkur dastur jajji tomoshabinlar uchun mo‘ljallangan bo‘lib, unda musiqa va ta’lim uyg‘unligida yaratilgan qo‘shiqlar bolajonlarga quvonch va iliq taassurotlar ulashdi.
🔺 Konsert dasturi Toshkent davlat tibbiyot universiteti professori, O‘zbekistonda xizmat ko‘rsatgan yoshlar murabbiyi, shoira Kavsar Turdiyeva she’rlari hamda O‘ktamjon Shokarimovning ovoz sozlash mashqlari asosida yaratilgan bo‘lib, unda yosh avlodni ma’naviy va estetik tarbiyalashga alohida e’tibor qaratildi.
✈️Mazkur musiqiy dastur bolalar uchun nafaqat qiziqarli tomosha, balki ularning ijodiy fikrlashi, musiqaga bo‘lgan qiziqishini rivojlantirishga xizmat qiluvchi muhim madaniy tadbir sifatida e’tirof etildi.
✅Rasmiy sahifalarimiz!
Telegram | Facebook | Instagram | YouTube | X | Linkedin
