Сиинэ нэһилиэгэр Сайылык, Ньукуолун күннэрин Култуура уонна сынньалаҥ пааркатыгар сиэр-туом быһыытынан буруо таһааран, арыылаах, алгыстаах алаадьынан сири-уоту аһатан бэлиэтээтибит. Бу күн эҕэрдэ тыл этилиннэ, ырыа-үҥкүү дьиэрэйдэ. Сылын аайы ыытыллар кус үргээһинин күрэҕигэр үс хаһаайка кытынна. Бастакы миэстэни үһүс төгүлүн Татьяна Семенова ылыан ылла, бирииһин "Тостер" тутта. Иккис миэстэҕэ - Валентина Гоголева, "Чак-чак" торт бириис тутан үөрдэ уонна үһүс миэстэлээх Лилия Федорова сибиэһэй сүөгэйинэн наҕараадаланна. Баттах өрүүтүн күрэҕэр Лариса Леверьева бастаата, иккис миэстэ Ульяна Степанова, үһүс миэстэ Наталья Владимирова буоланнар үөрүүлэрэ үрдээтэ. Остуол ырыатын күрэҕэр Татьяна Федорова, Татьяна Леверьева уонна Вячеслав Владимиров тэҥнээхтэрин булбатылар. Толоруу астаах сандалы тула бука бары мустан олорон кус миинин амсайдыбыт, ирэ-хоро кэпсэттибит, ырыа-хоһоон иһиттибит. Култуура үлэһитэ Лариса Слепцова араас остуол оонньууларын оонньотон барыбытын сэргэхси