Охувчуланы яйлыкъ каникуллары беш гюнге созулажакъ Каникуллар май айны 27-синде башланажакъ деп билдире Билим берив министерлиги. Бу йыл ведомство Бирикген экземенлер юрюлежек пунктланы заманында гьазирлемек учун охув йылны майны 26-сында битдирмеге тапшурув бергее. Расписаниеге гёре, ЕГЭ-ни аслу гезиги биринчилей июнь айны 1-нде башлана. Дагъыстанны школларында охуйгъан яшлар учун бу гьал Къурбан байрамны белгилев булан да байлавлу — республикада май айны 27-си, 28-и ва 29-у ишлемейген гюнлер деп билдирилген. Сонг да, майны 30-у ва 31-и буса сонгугюнге ва къаттыгюнге рас геле. Шо саялы да, къошумча ял алыв гюнлер байрам календарь булан бек арив кюйде бирлешип токътай.