Къарабудагъгент районда ташгъынланы заманында бузулгъан кёпюр янгыдан къурулажакъ
Шо масъаланы Дагъыстанны Башчысыны борчларын кютеген Фёдор Щукин оьзню хас тергевюне алгъан. Шо масъаланы гьакъында республиканы Ёлбашчысына депутат Магьамматгьанапи Абакаров билдирген. Ону сёзлерине гёре, бузулгъан шо кёпюр минглер булан адамлар учун бирден-бир гечив ёл болгъан — гьар гюн ону уьстю булан 1 мингге ерли машин юрюй болгъан.
Гьали буса шо кёпюрден юрюв де ябылгъан, яшлагъа школагъа ва яшлар бавунаа элтмеге бек къыйын болгъан, шолай да къыставуллу къуллукъланы кёмекге етишив заманы да узакъ болгъан.
Дагъыстан Республиканы Транспорт министерлигини маълуматына гёре, кёпюр толу кюйде бузулуп, янгыдан къурулмагъа герек. Ишлени юрютмек учун 219 миллион манатгъа ювукъ акъча тарыкъ болажакъ, ювукъ заманны ичинде проект документлени гьазирлев ишлер башланажакъ.
⚡️ Фёдор Щукин бу объектни янгыдан къурулушу оьзюню хас тергевюню тюбюнде болажагъын ташдыргъан.
